ADAMNYŃ DUShPANY KIM?

Árkimniń únemi aıaǵynan shalatyn dushpany bar. Negizi, bar ma, joq pa beımálim. Biraq, bizdiń túsinigimizshe osylaı. Oǵan «qas dushpan» nemese «ata jaý» dep aıdar taǵyp qoıamyz. Alaıda… Ózimiz eshkimge jamandyq oılamaımyz. Dushpan emespiz degen oıdamyz. Al, jalpy jaý dep júrgenimiz búgingi zaman tilimen aıtqanda, kásip pen mansaptaǵy básekelestik.

Quran men hadısti tarazylaı kele ǵalymdar bul máselege qatysty mynadaı oı tujyrymdaǵan:

«Júrekke danalyq kirgizbeıtin úsh dert bar, ol: rızyq-nesibe ýaıymy, adamdarǵa kórealmaýshylyq etý jáne mansapqorlyq. Adamnyń úsh jaýy bar: dúnıe, nápsi jáne shaıtan. Dúnıeni júrekke kirgizbeýmen, shaıtanǵa qarsy áreket etýmen, al nápsini qumarlyqty tárk etýmen qorǵana alady».  

Bul – tabıǵın ǵulama Iahııa bın Muǵazdyń sózi. Demek, ásili dushpan – adamnyń ózi. Sol sebepti, qyzǵanysh týdyrǵan, talaby joǵary bolǵan adamdardy dushpan sanaı bastaımyz. Alaıda, adam ózin jeńse, qalǵany ózdiginen retin tabady. Al, adamdarmen qarym-qatynasqa kelse, hadıste:

«Kisini jaqsy kórseń, ortasha jaqsy kór, kúnderdiń kúni seniń jaqtyrmaıtyn adamyńa aınalýy múmkin. Kisini jaqtyrmasań, ortasha mámilede bol, kúnderdiń kúni jaqsy kóretin kisige aınalýy múmkin[1]»,-dep keńes berilgen.

Rýslan QAMBAR

[1] Tırmızı