15 máseleniń 15 sheshimi
Bul ómirde qıyndyqsyz, synaqsyz jaratylǵan pende joq. Barlyǵymyzdyń basymyzda túrli synaqtar bar. Alla Taǵala ár adamǵa ózi kótere alatyn ǵana qıyndyq beredi. Álbette sol qıyndyqtardyń artynan jeńildikter men jaqsylyqtar da keletinin umytpaıyq. Ómirde sheshilmeıtin másele joq, barlyq máseleniń óz sheshimi bar. Tek sabyr saqtap, duǵa jasap, Allaǵa táýekel etý arqyly sol qıyndyqtardy jeńýge bolady. Ár nárseniń jaýaby Alanyń kálámi qasıetti Quranda anyq jazylǵan. Sol birneshe máseleniń jaýabyn Quran aıattarynan izdep kórýdi jón kórdik. Eshqashan Alladan kúder úzbeńiz, Alla bizderge óte jaqyn. Ol asa Uly, Bilýshi, Estýshi, Kórýshi.
1. Muńaıyp júrsiz be?
«Táýbe» súresi», 51-52 – aıattar: «(Muhammed Ǵ.S.): «Bizge Allanyń jazǵany ǵana bolady. Ol bizdiń ıemiz. Múminder Allaǵa táýekel qylsyn» de. Olarǵa: «Sender, bizge (ǵazılyq, sháhıttik) eki ıgiliktiń birinen basqanyń kelýin kútesińder me? Biz Allanyń senderge óz qasynan nemese bizdiń qolymyzdan bir azap jetkizýin kútemiz. Al onda sender de tosyńdar, biz de sendermen birge tosaıyq» de».
2. Depressııaǵa tústińiz be?
«Raǵd» súresi, 28–aıat: « Sondaı ıman keltirgender, Allany eske alý arqyly kóńilderi jaı tapqandar. Esterińde bolsyn, Allany eske alýmen júrekter ornyǵady».
3. Qatelestińiz be?
«Iýnýs» súresi, 85–aıat: «Olar: «Biz Allaǵa táýekel qyldyq. Rabbymyz, bizdi zalym elmen synama» dedi».
4. Qıyndyqqa tap boldyńyz ba?
«Inshırah» súresi, 5-8 – aıattar: « Negizinde aýyrlyqpen birge bir jeńildik bar. Shyn máninde qıynshylyqpen birge bir ońaılyq bar. Endeshe bosaı qalsań jáne tyrys. Rabbyńa ǵana bel baıla».
5. Sizdi baǵalamady ma?
«Insan» súresi, 22–aıat: «Rasynda bul senderdiń syılyqtaryń, eńbekteriń joǵary baǵalanýǵa laıyq boldy».
6. Baqytsyzsyz ba?
«Ibrahım» súresi, 34–aıat: «Ári senderge ózinen suraǵan nárselerińniń bárinen berdi. Eger Allanyń nyǵmetin sanasańdar, sanyna jete almaısyńdar. Rasynda adam balasy óte ynsapsyz, asa shúkirsiz».
7. Jolyńyz bolmaı júr me?
«Iýsýf» súresi, 87–aıat: «Áı uldarym! Baryńdar da Iýsýfty jáne týysyn izdestirińder! Sondaı-aq Allanyń márhametinen kúder úzbeńder. Óıtkeni, Allanyń rahmetinen, qarsy bolǵan qaýym ǵana kúder úzedi…».
8. Densaýlyǵyńyzdy ýaıymdaısyz ba?
«Nahl» súresi, 69–aıat: «Sodan soń, ár túrli ósimdikten je de, Rabbyńnyń qolaılastyrǵan jolyna tús! Aranyń qaryndarynan túrli-tústi bal shyǵady. Onda adam balasy úshin shıpa bar. Shynynda munda da oılaıtyn qaýym úshin ǵıbrat bar».
9. Bul ómirde kóp nárseni qalaısyz ba?
«Zarııat» súresi 15-18 – aıattar: «Sháksiz taqýalar baqshalarda, bulaqtarda bolady. Olar, ózderine Rabbylarynyń bergenin alady. Óıtkeni olar, budan buryn jaqsylyq isteýshi edi. Olar túnde az ǵana uıyqtaýshy edi. Olar tań sárilerde jarylqaný tileýshi edi».
10. Jaqyn dos tabýdy qalaısyz ba?
«Táýbe» súresi, 119–aıat: «Áı, múminder! Alladan qorqyńdar jáne shynshyldarmen birge bolyńdar».
11. Kúná jasadyńyz ba?
«Zýmár» súresi, 53–aıat: «(Muhammed Ǵ.S.): «Áı ózderine zııan qylǵan quldarym! Allanyń rahmetinen kúder úzbeńder. Alla birtútas kúnálardy jarylqaıdy. Óıtkeni Ol tym jarylqaýshy, tótenshe meıirimdi» de».
12. Tynyshtyqty qalaısyz ba?
«Máıda» súresi, 16–aıat: «Alla Taǵala kim óz rızasyna úılesse, sol Kitap arqyly esendik joldaryna salady jáne óz nusqaýymen qarańǵylyqtardan jaryqqa shyǵaryp tup-týra jolǵa salady».
13. Ókinip júrsiz be?
«Nısa» súresi, 110–aıat: «Bireý bir jamandyq istese nemese ózine zulymdyq qylsa da, sodan keıin Alladan jarylqaný tilese, Allany asa jarylqaýshy, erekshe meıirimdi tabar edi».
14. Ata-anyńyzǵa jánnatty qalaısyz ba?
«Ibrahım» súresi, 41–aıat: «Rabbymyz! Esep qurylatyn kúni, meni, áke-sheshemdi jáne múminderdi jarylqa!», – (dedi)».
15. Ózińizge jánnatty qalaısyz ba?
«Asr» súresi, 1-3 – aıattar: «Zamanǵa sert. Negizinen adam balasy zııanda. Biraq, sondaı ıman keltirip, izgi is istegender, bir-birine shyndyqty úgittesip, sabyrdy úgitteskender; olar zııanǵa ushyramaıdy».
Laýra Almahanova
