Úılenbeımin dep ant ettim, endi úılený haram ba?

25 qańtar 2022 5935 0
Оqý rejımi

Assalamýaleıkým! Birde anama qatty ashý kezinde «araǵyńdy qoımaıynsha turmys qurmaımyn» dep, Allanyń atymen ant etken edim. Endi turmys kurýym haram ba? Sizderge Alla razy bolsyn! Alııa Q.


Ответ

Ýaǵaleıkým assalam! Qadirmendi Alııa, kimde-kim bir qaıyrly isti istemeýge ant etken bolsa, álgi antyn buzǵany abzal. Bul týrasynda Paıǵambarymyz (s.ǵ.s.): «Kimde-kim bir nárseni istemeýge ant etken bolsa, biraq ol nárseni istemeýden góri istegen abzal ekendigin oılasa, antyn buzyp, káfaratyn ótesin de álgi isti istesin»[1], – degen.

Úılenip, úı bolý – qaıyrly is. Sondyqtan anańyz ishimdigin qoımaǵan bolsa da, siz turmysqa shyqpaımyn degen antyńyzdy buzǵanyńyz durys. Turmysqa shyqqannan keıin buzylǵan anttyń ótemin, ıaǵnı káffaratyn óteısiz.

Buzylǵan anttyń káffaraty – on miskindi tamaqtandyrý nemese kıindirý ıakı bir qul azat etý. Bul – aýqatty adamdardyń káffáraty. Al, buǵan shamasy kelmeıtin jaǵdaıy tómen kisiler úsh kún qatarynan oraza ustaýy tıis[2].

«Káffarat» degenimiz – antyn buzǵan adamnyń Alla aldynda kúnásin jýyp-shaıýy. Ol bolashaqtaǵy iske ant berip, ony oryndaı almaı qalǵan jaǵdaıda ǵana óteledi[3].

Degenmen, mynany da eskerińiz, eger anańyz ishimdigin qoıǵan bolsa, sizge káffarat óteý qajet emes.

 


[1] Mýslım, Kıtabýl Áımán – №1650 hadıs.
[2] Baqara,225-aıat.
[3] Ál-Maýsýlı, Ihtııar  3/383 bet.

Автор: Muslim.kz порталы

Pіkіrler Kіrý