Orazanyń saýaby qalaı joıylady?

04 mamyr 2021 842 0
Оqý rejımi

Assalamý aleıkým! Ramazan orazasynyń saýabyn ne joıady?  


Ответ

Ýa aleıkým assalam!

Oraza tutýshy adam óz qulshylyǵynyń saýabyn zaıa etpeýi qajet. Sondyqtan on eki múshesin ǵaıbat, ósek-aıań, qol jumsaý, haramǵa kóz salý, arazdasý, týystyq qarym-qatynasty úzý jáne taǵy da basqa Alla Taǵalanyń narazylyǵyn týdyratyn jáne orazanyń saýabyn joıatyn is-áreketterden aýlaq bolýy tıis. Óıtkeni, munyń barlyǵy orazanyń saýabyn jýyp-shaıyp jiberedi. Ábý Hýraıra (r.a.) Paıǵambarymyzdyń (s.ǵ.s.): «Keıbir aýyz bekitýshiniń orazadan alar sybaǵasy tek ash qalýy ǵana, al keıbir túngi ǵıbadatqa turýshy qulshylyqtan alar sybaǵasy tek túndi uıqysyz ótkizý ǵana[1]», – degen sózin rıýaıat etken.

Basqasha sózben aıtqanda, oraza tutýshy taqýalyqty buzatyn pen ony álsiretetin árbir jaman áreketten aýlaq bolǵany abzal. Óıtkeni, oraza adam boıyna taqýalyqty qalyptastyrý úshin paryz etilgen. Quran Kárimde: «Áı, múminder! Senderge burynǵylarǵa paryz qylǵandaı oraza paryz etildi. Árıne, taqýalyq etersińder (Alla Taǵaladan qorqatyn bolarsyzdar)[2]», –dep ámir etilgen.

 


[1] Nasaı, Ibn Majah, Ahmed
[2] Baqara súresi, 183-aıat

Tegter: oraza ramazan saýap
Pіkіrler Kіrý