Oraza kezinde áıelin súıýine bolady ma?

26 sáýіr 2021 1716 0
Оqý rejımi

Assalaýmaǵaleıkým! Sizderden suraraym, Ramazan kezinde aýzy berik bola tura áıelin qushaqtap súıýge, aımalaýǵa bolady ma?


Ответ

Ýaǵaleıkýmassalam!

Oraza kezinde áıelin súıýge ruqsat. Biraq áıeliniń silekeıi tamaqqa ketpeýi tıis jáne bul jaqyndasýǵa deıin aparmaýy kerek.  

Imam Haskafı Dýrrýl ál-Mýhtar kitabynda: «Eger adam ózine senimsiz bolsa súıý, ustaý, qushaqtaý jáne aımalaý mákrýh bolyp tabylady. Al eger ózin ustaı alsa eshnárse emes», –degen. Hadıste Omar (r.a.): «Bir kúni qýanyp kelip áıelimdi súıip qoıdym. Ol kúni oraza edim. Paıǵambarymyzǵa (s.ǵ.s.) kelip: «Búgin aýyr kúná istedim. Oraza bolsam da áıelimdi súıip qoıdym», – dedim. Sonda Alla Elshisi (s.ǵ.s.): «Eger orazada aýyzyńdy shaısań ne bolady?» – dep surady. Men: «Eshteńe bolmaıdy», – dep jaýap qattym. Sonda ol: «Dál sol sekildi bul jaǵdaıda da oraza buzylmaıdy»,[1] – dedi.  

Osy hadıske oraı súıý orazany buzbaıdy. Al eger de sol ýaqytta shahýatpen uryq shyqsa orazasy buzylyp, sol kúnniń qazasyn óteıdi. Orazada, ásirese, jastarǵa áıelin súımegeni jón bolady. Óıtkeni súıý jaqyndasýǵa alyp barady. 

Aısha anamyz (r.a.): «Paıǵambarymyz (s.ǵ.s.) oraza kezinde súıip, qushaqtaıtyn edi. Ol senderge qaraǵanda óziniń nápsisin qatty ustaıtyn edi»,[2] – degen.   

fatua.kz


[1] Imam Ahmad.
[2] Buharı.

Pіkіrler Kіrý