Eski orazadan qaryzy bar adam ne isteıdi?

12 sáýіr 2021 1439 0
Оqý rejımi

Sálemetsizder me?.. Estýimshe oraza aıynda jiberilgen qaryz kúnderdi kelesi oraza aıy kelmeıinshe óteý qajet eken. Meniń aldyńǵy jylǵy orazadan qalyp qoıǵan (belgili bir sebepti) qaryzdarym bar. Sony osy kele jatqan ramazan aıynda qosyp  ustasam bola ma? Ótelinbeı qalǵan jaǵdaıda nendeı jaǵdaılarmen qaryzdarymnan qutylsam bolady eken? Jazasy ne? Aıtýova Azıza


Ответ

Sálemetsiz be, Azıza! Hanafı mázhaby boıynsha ótken orazadan qalǵan qaryz kúnderdi osy kele jatqan ramazanǵa deıin óteý shart emes. Óıtkeni, Alla Taǵala Quran Kárimde: «Kimde-kim syrqattansa nemese jolǵa shyqsa (aýzyn ashýǵa ruqsat) basqa kúnderi qazasyn ótesin»[1], – deı otyryp, qaza etý ýaqytyn shektemeı, jalpylama aıtyp otyr. Sondyqtan da, kelesi ramazan aıyna deıin óteý mindet emes. Desek te, orazanyń qazasyn tezdetip kelesi orazaǵa deıin ótep tastaǵanyńyz abzal[2].

Al Ramazanǵa deıin ótep úlgermeıtin bolsańyz, onda ony ramazannan keıin de óteı alasyz. Keıbireýler «ótken orazalardyń qazasyn aldaǵy Ramazannyń orazasymen qatar nıet etip óteýge bola ma?» degen de suraq qoıyp jatady. Dinde buǵan ruqsat joq. Qazaǵa oraza jeke ustalady.

 


[1] Baqara súresi, 185-aıat.
[2] Bahrýr Raıq – 2/499-bet.

Pіkіrler Kіrý