Stambulda Aııa Sofııa Fatıh medresesi ashyldy

15 sáýіr 2022 4013 0
Оqý rejımi

Búgin Stambul qalasynda Túrkııa prezıdenti Rejep Taıyp Erdoǵannyń qatysýymen Aııa Sofııa Fatıh medresesi ashyldy.

Túrkııa prezıdenti jurtshylyqty Ramazan aıymen jáne medreseniń qaıta ashylýymen quttyqtady.

«Bul medreseden erteń ǵalymdar, zııalylar, zertteýshiler shyǵady dep úmittenemin. Alla qalasa, bul jerde Fatıh Sultan Mehmet ýnıversıtetine qarasty qoldanbaly jáne zertteý ortalyqtary jumys isteıdi. Sultan Fatıhtiń taǵy bir jádigerin qaıta tiriltýge múmkindik bergeni úshin Rabbyma alǵys aıtamyn!» dedi Rejep Taıyp Erdoǵan.

Jańa medreseniń ashylý saltanatyna QMDB Tóraǵasy Naýryzbaı qajy Taǵanuly, Túrkııa Din isteri basqarmasynyń tóraǵasy, professor Alı Erbash, Kavkaz musylmandary dinı basqarmasynyń tóraǵasy Allashúkir Pashazade, Ózbekstan musylmandary basqarmasynyń tóraǵasy Nýrıddın Holıknazarov qatysty.

Pіkіrler Kіrý