Sirińkeden meshit maketin jasaǵan azamat týyndysyn syıǵa tartty (FOTO)

30 shіlde 2021 612 0
Оqý rejımi

Ashylǵanyna toǵyz jylǵa jýyq ýaqyt ótse de «Áziret Sultan» meshiti áli kúnge deıin kórgen jannyń tańdanysyn týdyryp keledi. Alys-jaqyn shet elderden kelgen qonaqtardyń da Bas meshitke bas suqpaı ótetini kemde-kem. Sáýleti men sáni kelisken alyp qulshylyq ordasy búgingi tańǵa deıin qanshama jamaǵattyń súıikti mekenine aınalǵan.

Osy kezge deıin qanshama jan óz mahabbataryn jyrǵa aınaldyryp nemese maıly boıaý arqyly jetkizýge tyrysyp, «Áziret Sultan» meshiti jaıly qanshama jyr joldary men sýretter dúnıege kelgen bolatyn. Alaıda, jaqynda ǵana meshitimizge at basyn tiregen astanalyq Júnisov Samat Totaıulynyń týyndysy tipten erekshe boldy. Ol sirińke shıinen «Áziret Sultan» meshitiniń maketin jasap shyqqan eken.

Erekshe eptilikti qajet etetin bul jumysqa ol attaı bir jyl ýaqytyn jumsaǵan kórinedi. Sondaı-aq, «meshit turǵyzý» úshin 15 000 sirińke shıin jumsaǵan. Meshitke degen mahabbatyn osylaı beınelep shyqqan Samat Júnisov týyndysyn syıǵa tartý úshin «Áziret Sultan» meshitine arnaıy kelgen. Meshit basshylyǵy Samattyń bul syılyǵyn úlken qoshametpen qabyl alyp, ókildik atynan alǵys bildirdi.

Sýretterdi «FOTOGALEREIa» aıdarynan kóre alasyzdar!

 

Pіkіrler Kіrý