QMDB JANYNDAǴY SARAPShYLAR KEŃESINIŃ IV MÁJILISI ÓTTI (FOTO)

15 naýryz 2023 1468 0
Оqý rejımi

Búgin Almaty qalasynda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Sarapshylar keńesiniń IV májilisi ótti.

Jıyndy ashqan Bas múftı Naýryzbaı qajy Taǵanuly: «Ózderińiz jaqsy bilesizder, jýyrda Memleket basshysy Qasym-Jomart Toqaev halqymyzdyń dúnıetanymyna saı dástúrli ıslamdy dáripteý asa mańyzdy ekenin, óskeleń urpaqtyń rýhanı tárbıesin nazardan tys qaldyrýǵa bolmaıtynyn erekshe atap ótti. Allaǵa shúkir, Qazaqstan musylmandary dinı basqarmasy dástúrli ıslamdy nasıhattaýda, jastardy izgilikke tárbıeleýde ónimdi eńbek etip keledi. Sizder de ortaq iske atsalysyp, belsendilik tanytyp kelesizder. Alla razy bolsyn! Endigi maqsat - jyl basynda josparlanǵan jumystarymyzdy júıeli túrde júzege asyrý», – dedi.

Májilis jumysynda QMDB-nyń rýhanı, dinı, ulttyq qundylyqtardy nasıhattaýdaǵy róli, QMDB-nyń 2023-2027 jyldarǵa arnalǵan strategııalyq damý baǵdarlamasy, Respýblıkalyq jáne jergilikti aqparattyq-nasıhat toby múshelerine arnalǵan qujattardyń jobalary talqylandy. Sonymen qatar, din atyn jamylyp, qoǵamda dinge qatysty túsinbeýshilik týdyryp júrgen jat dinı aǵymdardyń áreketine tosqaýyl qoıý, jastardy olardyń ıdeologııasynan saqtandyrý, qoǵamda din men dástúr sabaqtastyǵyn dáripteý t.b. máseleler talqylandy.

Pіkіrler Kіrý