QMDB TÓRAǴASY JAŃA MEShITTE JUMA ÝAǴYZYN AITTY (FOTO)

24 mamyr 2024 444 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly búgin Shymkent qalasynda ashylǵan «Esjanuly Seıitjan qarı» meshitinde juma ýaǵyzyn aıtty.

«Meshit – adamnyń júregi tynyshtyq taýyp, jany erekshe rýhanı lázzattqa bólenetin qasıetti oryn. Anyǵynda, búkil múlik Jaratýshymyz Alla Taǵalaniki. Sonyń ishinde meshitterge úlken qurmetti bildirtý úshin olardy «Allanyń úıleri» dep ataımyz. Alla Taǵala qasıetti Quranda: «Shyn máninde meshitter Allaniki» («Jyn» súresi, 18-aıat), – dep aıtqan. Buqar jyraý babamyz da osy maǵynada: «Haqtyń úıi meshitti, Aqty Qudaı sheshipti», – dep meshitti «Haqtyń úıi» degen. Musylman adamnyń meshitterdi syılap, qurmetteýi – onyń Jaratýshy Alla Taǵalaǵa degen qurmetin bildiredi. Sol sebepti de árbir musylman meshitti bar ynta-peıilimen jaqsy kórip, qurmettep, barynsha ádep saqtaýy qajet. Alla jańa meshitimizdi qutty etsin» dedi Naýryzbaı qajy Taǵanuly.

Bas múftı juma namazyn júrgizip, el ıgiligi úshin duǵa jasady.

Pіkіrler Kіrý