QMDB TÓRAǴASY TMU BAS HATShYSYMEN KEZDESTI (FOTO)

25 qarasha 2023 558 0
Оqý rejımi

QMDB Tóraǵasy Naýryzbaı qajy Taǵanuly Tashkent qalasynda ótken Túrki elderi múftıleriniń otyrysynan keıin Túrki memleketteri uıymynyń bas hatshysy Kýbanychbek Ómirálıevpen kezdesti.

Kezdesýde Kýbanychbek Ómirálıev QMDB qyzmetine tabys tilep, Bas múftı bastamalaryna qoldaý bildiretinin jetkizdi. Naýryzbaı qajy Taǵanuly Túrki memleketteri uıymy tolyqqandy, bedeldi halyqaralyq uıymǵa aınalǵanyn aıta kelip, uıymnyń túrki áleminiń keleshegi úshin atqaryp jatqan qyzmetine alǵys bildirdi.

«Túrki memleketteri uıymynyń negizgi maqsaty – baýyrlas elderdiń birligin bekemdep, ortaq qundylyqtardy tórtkúl dúnıege tanytý. Túrki múftıleri keńesi de osy baǵyttaǵy jumystarǵa dem beredi dep bilemiz. Búgingi Tashkent qalasynda ótip jatqan basqosý – sonyń bir aıǵaǵy. Túrki elderiniń yntymaǵy nyǵaısa, túrki álemi ózderiniń qýat-múmkindigin jahanǵa áıgilese, basqa memleketter de bul uıymnyń ustanymdaryn basshylyqqa alady dep bilemiz» dedi Naýryzbaı qajy Taǵanuly.

Sonymen qatar kezdesýde aldaǵy jyly Qazaqstanda ótetin Túrki elderi múftıleriniń kezekti otyrysy pysyqtaldy.

Pіkіrler Kіrý