QMDB: RAMAZAN AIY QORYTYNDYLANDY (FOTO)

11 sáýіr 2024 692 0
Оqý rejımi

Qazaqstan musylmandary dinı basqarmasynyń uıymdastyrýymen qasıetti Ramazan aıynda 2 300 000 adamǵa aýyzashar berildi.

Aýyzashar dastarqandary Astana, Almaty men Shymkent qalalary, sondaı-aq oblys ortalyqtary men aýdan, aýyl-aımaqtarda ornalasqan 1240 meshitte jaıyldy. Rýhanı sharaǵa meshit jamaǵatynan bólek medrese shákirtteri, stýdent jastar, balalar men múgedekter úıinen kelgen jandar, sonymen qatar kópbalaly ata-analar, jalpy kómekke muqtaj azamattar qatysty. Qazaqstan musylmandary dinı basqarmanyń bastamasymen Túrkııa eliniń Býrsa qalasy men Mysyr elinde bilim alyp júrgen qazaqstandyq stýdentterge de aýyzashar berildi. Qasıetti Ramazan aıynda Býrsa qalasyndaǵy qazaqstandyq 120 shákirtke aýyzashar dastarhany jaıylsa, Mysyr elinde 200 stýdentke aýyzashar berildi.

Sondaı-aq elimizdiń 565 meshitinde 637 qarı kúndelikti taraýyq namazynda Quran Kárimdi hatym etti. Aıta keteıik, qazirgi tańda elimizde 2854 meshit jumys istep tur. Sonyń 565-inde taraýyq namazynda Quran Hatym tolyq jasalyp. Tabıǵı sý apatyna baılanysty elge jerge duǵa jasaldy.  Otyz kúnde óńirlerdegi barlyq meshitter boıynsha  3300 ret Quran hatym oqylyp, duǵasy jasaldy.

Budan bólek, Aqparat bóliminiń uıymdastyrýymen Ramazan aıyna arnalǵan tikeleı Efırde ýaǵyz-nasıhat kórermen nazaryna usynyldy. QMDB ustazdarynyń qatysýymen ótken 16 baǵdarlama «Munara TV» arnasy men «Mýftııat QMDB» YouTube-arnasynan tikeleı Efırde kórsetildi. Sondaı-aq qasıetti Qadir túni «Munara TV» Respýblıkalyq bas meshitten jáne «Qazaqstan» ulttyq arnasy «Áziret Sultan» meshitinen 5 saǵattyq tikeleı Efır usyndy. Al ulyq mereke – Oraza aıt kúni Dinı basqarmanyń tól arnasy «Munara TV» men «Mýftııat QMDB» YouTube-arnasynan 1 saǵattyq tikeleı Efırde baǵdarlama kórsetildi.

Ramazan aıynda Kúndelikti taraýyq namazynan buryn «Quran aıattarynyń hıkmeti» taqyrybynda jamaǵatqa ýaǵyz aıtyldy. Al QMDB «Zeket jáne qaıyrymdylyq» qorynyń «El úlesi – páterge» jobasy boıynsha 10 din qyzmetkerine jáne 20 kópbalaly otbasyǵa, barlyǵy 30 baspananyń kilti tabystaldy. Respýblıkamyz boıynsha «Ramazan qorjyny» 29 377 kópbalaly, erekshe bala tárbıelep otyrǵan otbasylarǵa da tabystaldy. «Ramazan táttisi» jobasy aıasynda balaǵa táttiler men oıynshyqtar taratylyp keldi.

Oraza aıynda elordanyń jáne oblystardaǵy barlyq meshitterde taraýyq namazdarynan soń jamaǵatqa birneshe baǵyt boıynsha tegin avtobýstar men tegin taksı tasymaldaý qyzmetin kórsetý uıymdastyryldy.

Táýlik boıy jumys isteıtin QMDB-nyń Dinı aqparat berý ortalyǵy (Call-ortalyq) men ókildikke qarasty Call-ortalyqtarǵa 17 080-ǵa jýyq qońyraý shalynyp, Ramazanǵa qatysty suraqtarǵa jaýap berildi. Odan bólek ortalyqtyń messendjeri arqyly da birneshe suraq qoıylǵan.

Eske sala keteıik, kez kelgen dinı máseleni QMDB-nyń sharıǵat jáne pátýa isine jaýapty mamandarynan, sondaı-aq dinı aqparat ortalyǵynyń (call-center) 8 233-30-30 telefon nómirine qońyraý shalý nemese fatua.kz@bk.ru poshtasyna hat joldaý arqyly surap bile alasyzdar.

Pіkіrler Kіrý