QARTQA QURMET – QANǴA SIŃGEN QASIET

01 qazan 2023 1279 0
Оqý rejımi

Qartqa qurmet kórsetý – qanǵa sińgen qasıetterimizdiń biri. Paıǵambarymyz Muhammed (oǵan Allanyń salaýaty men sálemi bolsyn): «Qarttyń qasynda bereke bar» degen. Qazynaly qarttarymyzdy qadirleýdi jas býynǵa úıretý – mańyzdy istiń biri.

Tarıhymyzǵa qarasaq, qaı kezeńde de qazynaly qarııalarymyz eldi birlik pen yntymaqqa, adal eńbekke bastap otyrǵan. Olar daýdy ádil sheship, eshkimniń ala jibin attamaı, ádildiktiń týyn jyqpaı kópke úlgi, jasqa tálim bergen.

«Ata qaıratty bolsa, bala ǵıbratty bolady» degen sóz beker aıtylmasa kerek. Halyq arasynda aýzy dýaly, áńgimesi bátýaly aqsaqaldar barda el ishinde alaýyzdyqtyń oryn almaıtyny, jastary jónsiz ketpeıtini belgili.

Qazaqstan musylmandary dinı basqarmasy qoǵamda qarttardyń bedeli men rólin arttyrý maqsatynda Aqsaqaldar keńesin qurdy. Maqsatymyz – ǵasyrlar boıy jalǵasyp kele jatqan Aqsaqaldar ınstıtýtyn jańǵyrtý. Alla Taǵala úlkenderdiń batasyn alyp, baqytty ǵumyr keshýdi jazǵaı. Ámın!

Naýryzbaı qajy TAǴANULY
QMDB Tóraǵasy, Bas múftı

Pіkіrler Kіrý