NAÝRYZBAI QAJY TAǴANULY TJM SARBAZDARYMEN KEZDESIP, BATASYN BERDI

12 sáýіr 2024 553 0
Оqý rejımi

Búgin Qazaqstan musylmandary dinı basqarmasynyń tóraǵasy Naýryzbaı qajy Taǵanuly Batys Qazaqstan oblysyna barǵan saparynda Oral qalasynda Jaıyq ózeni jaǵasynda jumys istep jatqan Tótenshe jaǵdaı mınıstrligi sarbazdarymen kezdesip, nasıhatyn aıtty. Sonymen qatar batasyn berdi.

«Alla Taǵala qasıetti kitabymyz Quranda bir adamdy ólimnen qutqarý búkil adamzatty ólimnen qutqarýmen teń ekenin baıandaǵan. Sizder jerlesterimizdi tabıǵı sý tasqynynan qutqarý jumystarynda alǵy shepte júrgen naǵyz batyrsyzdar. Alla Taǵala kúsh-qýat, myqty densaýlyq násip etsin. Halyq úshin jasap jatqan jumystaryńyzǵa mol saýaptan jazsyn» dedi Naýryzbaı qajy Taǵanuly.

Sapar barysynda Bas múftı Tótenshe jaǵdaılar mınıstrligi qyzmetkerleriniń sý tasqynynyń qaýpin seıiltý jumystarymen tanysyp, dastarqan basynda sarbazdarmen suhbattasty. Sondaı-aq ózen jaǵasyn kóterý jumystarynda belsendilik tanytyp júrgen múftııat eriktilerine alǵysyn bildirdi.

Pіkіrler Kіrý