NAIB MÚFTI ISLAM INSTITÝTYNDA BOLDY (FOTO)

17 qarasha 2022 552 0
Оqý rejımi

QMDB Tóraǵasynyń orynbasary, naıb múftı Kenjeáli qajy Qońyratbaıuly Respýblıkalyq ımamdardyń bilimin jetildirý Islam ınstıtýtynda bilimin jetildirip jatqan ımamdarmen kezdesip, «Imamdyq ádebi» taqyrybynda dáris oqydy.

Sabaq barysynda ımamdardyń júris-turysy, kıim kııýi, sóıleý ádebin talqylap, kórkem minezdi bolýdy nasıhat etti. Imamdardyń árqaısysy ustaz jáne óz aımaǵyna, jamaǵatyna úlgi ekenin eskertti. Imam-moldalardyń ózderine baıqalmaı júrgen keıbir olqylyqtardy aıta kele: «Sizder úlken amanat arqalap júrsizder. Ol – din Islam. Sondyqtan dinimizge til tıgizýden saq bolaıyq. Imamdar – kópir ispetti. Ol kópirden aýyr da, jeńil de ótedi. Al biz shydas berýimiz qajet» dedi naıb múftı. Sondaı-aq ol ımamdardy Alla razylyǵy úshin shydamdy ári sabyrly bolýǵa, Paıǵambarymyzdyń (oǵan Allanyń salaýaty men sálemi bolsyn) súnnetine berik bolýǵa, taqýalyqqa úndedi.

Naıb múftı ımamdardy bilim, ádep jáne ishki jan dúnıeni kórkemdeý turǵysynan árdaıym kemeldenip otyrýǵa shaqyryp, bilimsiz pátýá berýden, ádepke qaıshy qylyqtardan, kóńildi kirletýden saqtaný kerektigin aıtty. Dáris sońynda ımamdardyń suraqtaryna jaýap berdi.

Pіkіrler Kіrý