«MUFTIYAT» BASPASYNAN JARYQ KÓRGEN QOS KITAPTYŃ TANYTYMY ÓTTI (FOTO)

28 aqpan 2024 508 0
Оqý rejımi

Búgin elordada Bas múftı Naýryzbaı qajy Taǵanulynyń tóraǵalyǵymen qasıetti Ramazan aıyna oraı ótken Tóralqa májilisinde qos kitaptyń tanytym rásimi ótti.

«MUFTIYAT» baspasynan jaryq kórgen «Qalyp» jáne «Oı salar oqıǵalar» kitaptarynyń avtorlary – QMDB Ýaǵyz-nasıhat bólimi meńgerýshisiniń orynbasary, ıslamtanýshy Dýman Saıfýlla men Aqparat bóliminiń meńgerýshisi, jýrnalıst Aǵabek Qonarbaıuly. Bas múftı Naýryzbaı qajy Taǵanuly jańa kitap avtorlaryn quttyqtap, izgi tilegin bildirdi.

«Qalyp» dep atalǵan bul kitapta adam júregindegi túrli rýhanı dert pen ony emdeýdiń joldary baıandalǵan. Avtor adam júreginde kezdesetin negizgi derttiń túrlerine toqtalyp, olardyń mán-maǵynasyn túsindiredi. Rýhanı keseldi emdeýdiń joldaryn qasıetti Quran men ardaqty Paıǵambarymyzdyń (oǵan Allanyń salaýaty men sálemi bolsyn) hadısterine, ǵulama-ǵalymdarymyzdyń sózderine negizdeı otyra jazǵan. Kitap ıslamtanýshylarǵa, dintanýshylarǵa, ımamdarǵa, medrese ustazdary men shákirtterine, jalpy oqyrman qaýymǵa arnalady.

Al ekinshi kitapta shynaıy ómirde bolǵan oı salar oqıǵalar naqty keıipkerdiń nemese kýágerdiń sózimen boıamasyz baıandalady. Avtor ǵıbratty oqıǵadan alǵan áserin bólisip, oıǵa túıgen taǵylymdy jaıttardy jazady. Eńbekte adamdar arasyndaǵy baýyrmaldyq, shynaıy janashyrlyq, qaıyrymdylyq syndy qasıetter dáripteledi. Júregi meıirimge toly tulǵalardyń erekshe erik-jigermen, ynta-yqylaspen atqarǵan izgi amaldary nasıhattalady. «Oı salar oqıǵalar» kitaby jalpy oqyrman qaýymǵa arnalǵan.

Pіkіrler Kіrý