MÚFTILER ALQASY QURYLDY (FOTO)

16 naýryz 2023 1705 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń bastamasymen múftııat janynan Múftıler alqasy quryldy.

Jıynǵa múftııatty ár jyldary basqarǵan Rátbek qajy Nysanbaıuly, Erjan qajy Malǵajyuly, Serikbaı qajy Oraz qatysty.

Jıyndy ashyp, sóz bastaǵan Bas múftı Naýryzbaı qajy Taǵanuly: «Ózderińiz jaqsy bilesizder, Paıǵambarymyz (oǵan Allanyń salaýaty men sálemi bolsyn) hadısteriniń birinde aqyldasý isinde bereke bar ekenin aıtyp ótken.

Múftıler alqasyn qurýdaǵy maqsatymyz – sizderdiń dinı saladaǵy mol tájirıbelerińiz ben aqyl-keńesterińizdi eskere otyryp, Dinı basqarma jumysyn jetildirý, musylman jamaǵatynyń rýhanı birligin nyǵaıtý, din men dástúr sabaqtastyǵyn nasıhattaý, elimiz ben jerimizdiń rýhanı damýyna úles qosý. Alla Taǵala ortaq maqsat jolynda ónimdi eńbek ete berýdi násip etsin» dedi.

Osydan keıin Rátbek qajy Nysanbaıuly, Erjan qajy Malǵajyuly, Serikbaı qajy Oraz Múftıler alqasyn qurý bastamasynyń mańyzdylyǵy jaıly oń pikirlerin bildirip, jastardy jat dinı aǵymdardyń yqpalynan saqtandyrý, halyqtyń rýhanı birligin arttyrý, óskeleń urpaqty otansúıgishtikke tárbıeleý t.b7 máseleler týraly oılaryn ortaǵa saldy.

Basqosý sońynda Dinı basqarmany uzaq jyldar basqarǵan marqum Ábsattar qajy Derbisáliniń rýhyna arnaıy Quran aıaty baǵyshtalyp, duǵa jasaldy.

Pіkіrler Kіrý