DINI BASQARMANYŃ «MUNARA FM» RADIOSY AShYLDY (FOTO)

23 qarasha 2022 527 0
Оqý rejımi

Búgin Astanada Qazaqstan musylmandary dinı basqarmasynyń «MUNARA FM» ınternet radıosy ashyldy. Saltanatty ashylý sharasyna QMDB Tóraǵasy, Bas múftı Naýryzbaı qajy Taǵanuly, «Qazaq radıolary» JShS bas redaktory, Qazaq radıosynyń dırektory Dýlat Abıbýllaev, sondaı-aq QMDB Ortalyq apparatynyń qyzmetkerleri qatysty.

«Dinı basqarmanyń «MUNARA TV» arnasy bar, endi ınternet radıosy da iske qosyldy. Radıo tyńdarmandar nazaryna kún saıyn baǵdarlamalar men aýdıokitaptar usynady. Odan bólek balalarǵa arnalǵan habarlar men ımam-ustazdardyń ýaǵyz-dáristerin de radıo arqyly tyńdaýǵa bolady», – dep atap ótti Naýryzbaı qajy Taǵanuly.

Aıta keteıik, «MUNARA FM» radıosynan tyńdarmandar QMDB men «Qazaq radıosynyń» birlesken jobasy – «Yqylas» radıohabaryn, «Ǵıbratty áńgimeler» saǵatyn, «Ihsan – rýhanı tárbıe negizi» kitabynyń aýdıo nusqasyn, Naýryzbaı qajy Taǵanulynyń «Úmit sáýlesi», Alaý Ádilbaevtyń «Sańlaq sahabalar», Qalmahan Seıitulynyń «Paıǵambarlar tarıhy» aýdıokitaptaryn tyńdaı alady. Sondaı-aq radıo Efırinen qasıetti Quran Kárimniń qazaqsha túsindirmesin, balalarǵa arnalǵan «Musylman álippesi» habaryn, múftııat ustazdarynyń Respýblıkalyq bas meshittegi dáristeri men elimizge tanymal ımamdardyń áserli ýaǵyzdaryn t.b aýdıojobalardy tyńdaýǵa bolady.

Pіkіrler Kіrý