DARHAN DALA: ASTANA IMAMDARY SAQQULAQ BI KESENESIN ZIIaRAT ETTI (FOTO)

Qazaqstan musylmandary dinı basqarmasynyń «DARHAN DALA» jobasy aıasynda Astana qalasy ókildiginiń din qyzmetkerleri Aqmola oblysy, Ereımentaý aýdanynda ornalasqan Saqqulaq bı kesenesin zııarat etti.

Ereımentaý qalasynyń shyǵysyna qaraı 25 shaqyrym jerde Qorjynkól kóliniń jaǵasynda ornalasqan mazarda zamanynda orta júzdiń boz arǵymaǵy atanǵan Saqqulaq bı men onyń balalary Ájimbet, Eraly jáne Nuraly jerlengen.

Saqqulaq bı 1800 jyly Ereımen jerinde týyp, 1888 jyly osy elde qaıtys bolǵan. Jasynan zerdeli de zerek ósken ol 12-13 jasynan ákesi Bapan bıdiń qasynda júrip, sheshendik ónerin ushtaǵan, el bıleý isine aralasqan.  Saqqulaq bı ózi aıtqan bılik sózderi men basqa bılerdiń ataly sózderin, baǵaly oılaryn únemi qaǵazǵa túsirip júrgen. Saqqulaq bıden 7 ul qalǵan. Nuraly, Eraly degen uldary ákesine tartyp bı-sheshen bolǵan. 

Imamdar Ekspedıtsııasy mazar aınalasynda ornalasqan Qanjyǵaly Bógenbaı batyr urpaqtarynyń eski qorymyn da zııarat etip, arnaıy Quran baǵyshtady.

Astanadan barǵan din qyzmetkerleri jergilikti meshitke at basyn buryp, jamaǵatpen júzdesip, namaz oqydy. Meshit aqsaqaldaryna Astana ókildiginiń atynan arnaıy Quran Kárim kitaptaryn syıǵa tartty. Kónekóz qarttar aq batasyn berip, ımamdardyń din jolynda jasap jatqan qyzmetterine bereke tiledi.