BUQARADA HALYQARALYQ KONFERENTsIIa ÓTTI (FOTO)

27 qarasha 2023 675 0
Оqý rejımi

Ózbekstannyń Buqara qalasynda ataqty «Mir-Arab» medresesiniń 500 jyldyǵyna arnalǵan «Ejelgi Buqaranyń Islam órkenıetindegi orny» taqyrybyndaǵy halyqaralyq konferentsııa ótti.

Aıtýly jıyn Quran aıattaryn oqýmen bastalyp, Ózbekstan musylmandary dinı basqarmasynyń tóraǵasy, Bas múftı Nýrıddın Holıqnazarovtyń quttyqtaý sózimen ashyldy.

Odan keıin Mysyr múftıi Shaýqı Allam, Álemniń musylman ǵalymdary odaǵynyń bas hatshysy Alı Muhıddın ál-Karadaǵı, Kavkaz musylmandary basqarmasynyń tóraǵasy Allashúkir Pasha-Zade, Túrkııa Din isteri basqarmasynyń basshysy, Bas múftı Alı Erbash, Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly jáne Tájikstan Ǵulamalar keńesiniń tóraǵasy, múftı Saıdmýkarram Abdýkodırzoda sóz sóılep, «Mir-Arab» medresesiniń 500 jyldyǵyna oraı jyly lebizin bildirdi.

Konferentsııa «Buqara ǵalymdarynyń ǵylymı muralarynyń mańyzdylyǵy», «Mir-Arab» medresesiniń 500 jyldyǵy: keshegisi men búgini» jáne «Babahanovtar áýletiniń Islam dinin saqtaý, nasıhattaý jáne qorǵaýǵa qosqan úlesi» sekildi úsh sektsııa boıynsha jalǵasyn tapty. Atalǵan sektsııalar boıynsha belgili din ǵalymdary, dintanýshylar men ımam-ustazdar baıandama jasap, pikir almasty.

Pіkіrler Kіrý