BAS MÚFTI TIKELEI EFIRDE ÓTKEN BRIFINGKE QATYSTY (FOTO)

Búgin elordada Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Prezıdent janyndaǵy Ortalyq kommýnıkatsııalar qyzmetinde tikeleı Efırde ótken «Ramazan aıyna daıyndyq» taqyrybyndaǵy brıfıngke qatysyp, BAQ ókilderiniń suraqtaryna jaýap berdi.

Brıfıngte Naýryzbaı qajy Taǵanuly qazaqstandyqtardy on eki aıdyń sultany, qasıetti Ramazannyń bastalaýymen quttyqtap, qasıetti aıda meshitterde atqarylatyn sharalar jaıly atap ótti.

«Biz Ortalyq Azııa elderiniń múftılerimen, ondaǵy pátýa salasyna jaýapty ǵalymdarmen aqyldasa kele jáne ǵylymı zertteýler nátıjesin eskerip, ortaq sheshim qabyldadyq. Alla qalasa, bıyl ramazan aıy 23 naýryzda bastalady. Al sáýir aıynyń 17-nen 18-ne qaraǵan tún – qasıetti Qadir túni. 21 sáýir – oraza aıt merekesi. Bıylǵy pitir sadaqasy jan basyna 535 teńge bolyp bekitildi. Pitir sadaqasy mólsheri elimiz boıynsha eki keli unnyń ortaq baǵasy negizinde belgilendi. Pitir sadaqasyn qurma, meıiz baǵasymen berýge bolady.

Ramazan – Rabbymyzdyń meırim-mahabbatyna bólenetin aı. Berekeli, saýaby mol aıda Allanyń meıirimine bólenip, árbir izgi amalymyzdyń jaqsylyǵy eselenip jazylǵaı. Elimiz aman, jerimiz tynysh, táýelsizdigimiz baıandy bolǵaı. Jaratýshy Jabbar Iemiz keler jylǵy oraza aıyna aman-esen jetýimizdi násip etkeı. Ámın!» dedi Bas múftı.

​