BAS MÚFTI QYRǴYZSTANDA HALYQARALYQ KONFERENTsIIaDA BAIaNDAMA JASADY (FOTO)

23 qarasha 2023 747 0
Оqý rejımi

Búgin Qyrǵyzstan astanasy Bishkek qalasynda «Din jáne ǵalamdyq syn-qaterler» taqyrybynda halyqaralyq konferentsııa ótti. Basqosýǵa QMDB Tóraǵasy, Bas múftı Naýryzbaı qajy Taǵanuly qatysyp, arnaıy baıandama jasady.

«Jańa zamandaǵy tendentsııalar men syn-qaterlerge tótep berýdiń tóte joly – dástúrli dinı mektep pen ádet-ǵurypqa negizdelgen dala saltyn qaıta jańǵyrtý dep sanaımyn. Bul baǵytta rýhanı qaıta órleý men dúnıetanymdyq turǵydan tereń ózgeris qajet. Biz osy baǵyttaǵy maqsattarymyzdy júzege asyrý úshin Túrki memleketteri múftıleriniń keńesin qurýǵa bastamashyl boldyq. Osyǵan oraı qasıetti Túrkistan qalasynda ótken keńes jumysynda dástúrimizge, bolmysymyzǵa, qazirgi jaǵdaıymyzǵa jaqyn ortaazııalyq dinı mektepterdiń rólin qaıta jańǵyrtý týraly bastama kóterdik. Alla Taǵala «Máıda» súresinde adamzat balasyna: «Jaqsylyqqa, taqýalyqta járdemdesińder. Kúnáǵa jáne dushpandyqqa járdemdespeńder. Alladan qorqyńdar!» – dep ámir etken. Haq Elshisi Muhammed te (Allanyń oǵan salaýaty men sálemi bolsyn): «Álbette meniń úmbetim adasýshylyqta birikpeıdi...» degen. Alla Taǵala ıgi isterdi birlese atqarýǵa kúsh-qaırat násip etsin» dedi Naýryzbaı qajy Taǵanuly.

Derekkóz:  ​QMDB Baspasóz qyzmeti 

Pіkіrler Kіrý