BAS MÚFTI PÁTÝA MAMANDARYNA DÁRIS OQYDY (FOTO)

23 qarasha 2022 460 0
Оqý rejımi

Qazaqstan musylmandary dinı basqarmasynyń Ortalyq apparatynda Dinı basqarmanyń sharıǵat jáne pátýaǵa jaýapty jáne dinı aqparat berý ortalyǵy (Call ortalyq) mamandarynyń biliktiligin arttyrýǵa arnalǵan «Tsıfrlyq zamandaǵy pátýa berý ádisteri men mehanızmderi» taqyrybyndaǵy semınar bastaldy. Semınarǵa QMDB Tóraǵasy Naýryzbaı qajy Taǵanuly arnaıy qatysyp, pátýa mamandaryna dáris oqydy.

Bas múftı qoǵamdaǵy ózekti máselelerge qatysty pátýa shyǵarý, halyq tarapynan kelgen suraqtarǵa jaýap berý QMDB-nyń basty jumystarynyń biri ekenin aıta kelip, saýapty da, jaýapty isti jaýapkershilikpen atqaryp kele jatqan din qyzmetkerlerine alǵys aıtty.

«Pátýa berý úlken jaýapkershlik. Alla Taǵala Quranda: «Muhammed (oǵan Allanyń salaýaty men sálemi bolsyn) olar senen, áıelder jaıynda pátýa suraıdy. Olarǵa Alla senderge olar jaıynda pátýasyn bildiredi» («Nısa» súresi, 127-aıat) degen. Bul aıatta pátýany Allanyń ózi beretinin aıtyp jatyr. Sebebi pátýa berý ol Allanyń atynan úkim etý degendi bildiredi. Bul úkimderdi pendelerge jetkizý Paıǵambarymyzǵa (Oǵan Allanyń salaýaty men sálemi bolsyn) júktelgen. Pátýa berýshilerdiń alǵashqysy – Paıǵambarymyz (Oǵan Allanyń salaýaty men sálemi bolsyn). Ol kisiden keıin ǵalym sahabalar, tabıǵınder, tabaǵa tabıǵınder jáne mujtahıd ǵalymdar pátýa aıtatyn. Bul is qazirgi kúnge deıin jalǵasyn taýyp keledi», – dedi Naýryzbaı qajy Taǵanuly.

Aıta keteıik, búgingi semınarda pátýa mamandaryna naıb múftıler, QMDB Sharıǵat jáne pátýa bólimi mamandary, BAQ ókilderi túrli taqyrypta dáris ótkizýde.

Pіkіrler Kіrý