BAS MÚFTI MEDRESE ShÁKIRTTERINE NASIHAT AITTY (FOTO)

17 naýryz 2023 686 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly Almaty oblysyna barǵan saparynda «Úshqońyr» medrese-kolledjiniń shákirtterimen kezdesip, bolashaq din qyzmetkerlerine nasıhat aıtty. Kezdesýde QMDB Tóraǵasy shákirtterdi tereń bilim alýǵa shaqyryp, ıgi nıetin jetkizdi.  

«Bilim – amaldyń negizi. Amalsyz bilimniń paıdasy bolmaıtyny sekildi bilimsiz amaldyń da esh paıdasy joq. Bilim men amal - birin-biri tolyqtyrýshy, bir-birinen ajyratýǵa bolmaıtyn egiz uǵym. Alla Taǵalany taný, Onyń rızalyǵyna jetý jolyna túsken adam tereń bilim alýǵa tyrysady. Jaratýshy Iemiz Quranda: «Alla senderdiń aralaryńnan ıman keltirgender men bilim ıelerin joǵary dárejelerge kóteredi» («Mújádálá» súresi, 11-aıat) dep baıandaıdy. Biz bul aıattan Alla Taǵala bilimdi adamnyń dárejesin eki dúnıede kóterip qoıatynyn túsinemiz. Qudaıǵa shúkir, qazir bilim alýǵa múmkindik kóp. Endeshe, altyn ýaqyttaryńyzdy tereń bilim alýǵa arnasańyzdar ómirde kóptegen ıgilikke kenelesizder» dedi Naýryzbaı qajy Taǵanuly.

Kezdesý barysynda shákirtter kókeıde júrgen suraqtaryn Bas múftıge qoıyp, jaýap aldy.

Aıta ketsek, búginde «Úshqońyr» medrese-kolledjinde 400-den astam shákirt tálim alýda.

Pіkіrler Kіrý