BAS MÚFTI DIL JANYNDAǴY JOǴARY KEŃESTIŃ 46-OTYRYSYNA QATYSTY (FOTO)

24 sáýіr 2024 545 0
Оqý rejımi

Búgin Dúnıejúzilik ıslam lıgasy janyndaǵy Joǵary Keńestiń 46-otyrysy ótti. Jıynǵa Joǵary keńestiń múshesi retinde Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qatysty.

Alqaly otyrysta Keńes óz quzyreti aıasynda birqatar mańyzdy máselelerdi sóz etti. Naqty aıtqanda, Islam áleminiń birligi, ǵalymdardyń dárejesin kóterip ǵylymı jańalyqtarǵa den qoıý, Islam dininiń ómirsheńdigin tanytý, Qasıetti Quranǵa til tıgizý ári ıslam dinine tán bolǵan dúnıelerdi kelemejdeýge qarsy áreket etý máseleleri sóz boldy.

Jıynǵa qatysqan din ǵulamalary atalǵan taqyryptar boıynsha óz oılaryn ortaǵa salyp, naqty josparlar bekitý týrasynda bitimge keldi.

Aıta keteıik, DIL janyndaǵy Islam fıqh jáne Joǵary keńestiń jıynyna álemniń ár túkpirinen 70-ten asa ǵalymdar men múftıler qatysty. Islam lıgasynyń Bas hatshysy Muhammed ben Abdýl Karım ál-Isa barlyq qatysýshyǵa alǵysyn bildirip, 46-Otyrystyń aıaqtalǵanyn jetkizdi.

Pіkіrler Kіrý