BAS MÚFTI ÁIEL USTAZDARǴA SERTIFIKAT TABYSTADY (FOTO)

29 aqpan 2024 586 0
Оqý rejımi

Qazaqstan musylmandary dinı basqarmasynyń tóraǵasy Naýryzbaı qajy Taǵanuly múftııatta ótken «Destrýktıvti dinı aǵymdardyń negizgi sıpattary jáne ońaltý jumysyn júrgizýdiń tıimdi joldary» semınarynyń qorytyndy rásimine arnaıy qatysty.

Bas múftı Áıel-qyzdar sektorynyń uıymdastyrýymen ótken sharada: «Qazaqta «Ana bir qolymen besikti terbetse, ekinshi qolymen álemdi terbeteli» degen qanatty sóz bar. Bul áıel adamnyń tutas ulyn ne qyzyn ǵana emes, tutas ultty tárbıeleıtinin bildirse kerek. Qazirgi kezdegi ata dinimizdi, kórkem senimimizdi qoǵamǵa qubyjyq etip kórsetip jatqan túrli aǵymdar bar. Olarǵa jas óskin erip ketpeýi úshin shańyraqtyń uıytqysy bolǵan arý-analarymyzdyń tárbıesi óte mańyzdy. Osy oraıda áıel jamaǵatymen tyǵyz baılanystaǵy ózderińizdiń eńbekterińizdi erekshe atap ótkim keledi. Saýapty hám jaýapty qyzmetterińizge Alla bereke bersin» dedi.

Sondaı-aq QMDB Tóraǵasy atalmysh semınarǵa qatysqan áıel ustazdarǵa sertıfıkat tabys etti.

Aıta keteıik, Áıel-qyzdar sektorynyń óńirlerdegi jaýapty ókilderi men Astana qalasynyń ustazdary qatysqan semınarda Din men dástúr bóliminiń meńgerýshisi Nurbek Áýeshanuly jáne Dinı ońaltý bóliminiń meńgerýshisi Hasan Amanqul nasıhat aıtyp, keńesterin bólisti. Al semınardyń negizgi bólimin Dinı ońaltý bóliminiń mamany Danııar Kenjalın júrgizdi.

Pіkіrler Kіrý