«ÁJELER MEKTEBI» ShÁKIRT QYZDARǴA SALT-DÁSTÚR ÚIRETTI (FOTO)

30 qarasha 2023 642 0
Оqý rejımi

Búgin Astana qalasy ókildigi Áıel-qyzdar sektorynyń uıymdastyrýymen «Áziret Sultan» meshitinde «Otbasy – baqyt mekeni» atty shara ótti. Meshit qabyrǵasynda bilim alyp, qarttyǵyna qaramastan shákirt bolyp júrgen aqjaýlyqty apa-ájelerimizden quralǵan «Ájeler mektebi» shara aıasynda shákirt qyzdarǵa nasıhat-keńesterin aıtyp, salt-dástúrimizdegi keıbir rásimderdiń oryndalýyn úıretti.

Qala bas ımamy Erbolat Júsipov sharanyń ashylýyna qatysyp, qatysýshylarǵa izgi tilegin bildirdi. Urpaq sabaqtastyǵyn ushtastyryp, din men dástúrimizdi qatar dáriptegen ájeler qaýymyna alǵysyn jetkizdi.

Shara aıasynda Astana qalasy boıynsha Áıel-qyzdar sektorynyń meńgerýshisi, ustaz Elmıra Buharbaeva otbasy qundylyqtary jaıynda nasıhat aıtsa, ájelerimiz «qyzǵa – qyryq úıden tyıymnyń» maǵynasyn túsindirdi.

«Áziret Sultan» meshitindegi Din men dástúr buryshynda uıymdastyrylǵan shara sánin ájelerimizdiń «Syrǵa salý», «Besikke bóleý», t.b. dástúrimizdi dáriptegen kórinisteri tipten asha tústi. Ǵıbratqa toly ótken shara sońynda ájeler qaýymy aq batalaryn berdi.

Pіkіrler Kіrý