ÁIEL ShÁKIRTTERGE ARNALǴAN «QURANMEN QAÝYShÝ» KEShI ÓTTI (FOTO)

28 qańtar 2023 2390 0
Оqý rejımi

Astana qalasyndaǵy respýblıkalyq «Áziret Sultan» meshitiniń Dinı saýat ashý kýrsynda oqıtyn áıel shákirtterge arnalǵan «Quranmen qaýyshý» keshi bolyp ótti.

Sharany «Áziret Sultan» meshitiniń ustazy, qarı Omar Salımbekov qasıetti Quranmen ashyp berdi. Naıb ımam Ádilhan Serikbaı Quran oqýdyń paıdasy men saýaby jaıynda nasıhat aıtyp, izgi tilekterin bildirdi.

Oqý jylynyń basynda  jańadan qabyldanǵan shákirtterdiń «Quran álippesin» tolyqtaı meńgerip shyǵýyna oraı uıymdastyrylǵan shara aıasynda 200-ge jýyq qyz-kelinshekke arnaıy anyqtama qaǵazy tabystaldy. Saltanatty rásimnen soń berekeli dastarhan jaıylyp, Quran Hatym duǵasy oqyldy.

Meshitimizdiń  ustazdary Zarına Shamıdýllaqyzy, Elmıra Buharbaeva, Ásel Dúısebekqyzy, sondaı-aq, bolashaq ustaz, praktıkant Tatıana Syshenko shákirtterge búgingi sharanyń mán-mańyzyn túsindirip, dinı bilim jolyndaǵy alǵashqy belesterimen quttyqtady.

Búgingi rýhanı keshke meshitimizdiń «Quran oqý» jáne «Quran jattaý» tobynyń shákirtteri de kelip, Quranǵa túsip jatqan toptarǵa úlken Quran kitabyn syılady. Alaıda, shákirtter ózara kelise otyryp, bul kitaptardy áıelder namazhanasyndaǵy sórelerge qoıýdy sheshti. Ustazdar joǵary toptarǵa alǵysyn bildirip, bul oń sheshim bolǵanyn, sondaı-aq, meshit sórelerine Quran Kárim qoıýdyń úlken saýap ekenin aıtty.

Sharaǵa qatysýshy shákirtterdiń barlyǵyna arnaıy anyqtama qaǵazymen birge qasıetti Quran kitaby syıǵa berildi.

 

Источник: Aidos

Pіkіrler Kіrý