ASHANA QYZMETKERLERINE HALAL TAQYRYBYNDA SEMINAR-TRENING ÓTTI (FOTO)

20 qańtar 2023 1809 0
Оqý rejımi

Búgin «Áziret Sultan» meshitinde Elorda meshitterindegi ashana qyzmetkerleriniń Halal ındýstrııasy salasyndaǵy bilimin arttyrýǵa arnalǵan semınar-trenıng bolyp ótti. QMDB «Halal damý» JShS dırektory Aıbek Asqarbekuly bastaǵan mamandardyń júrgizgen trenıngine aspazdarmen qosa is basqarýshylar, birneshe din qyzmetkerleri de qatysyp, tushymdy maǵlumattar aldy.

Mamandar túrli taǵamdaǵy qospalardyń halal nemese haram ekendigin qalaı anyqtaýǵa bolatynyn jiktep túsindirip berdi. Sondaı-aq, Alla haram etken taǵamdardyń zııandyǵyn da ǵylymı turǵydan túsindirip, as daıyndaýda qoldanylatyn  qospalardy tańdaýǵa keńester berdi.  

Halal ınýdstrııasynyń mańyzdylyǵy men sharttaryn, «Halal damý» uıymynyń jumys baǵytyn túsindire otyryp, kóptegen tyń jaıttardyń basyn ashqan mamandardyń baıandamasy qatysýshylardyń bilimin arttyrýǵa birshama úles qosty. Buǵan qosa, arnaıy kórnekilik taqtasy arqyly usynylǵan málimetter de qatysýshylardyń bilimderin baıyta tústi.

Sýretterdi «FOTOGALEREIa» aıdarynan kóre alasyzdar!

Источник: Aidos

Pіkіrler Kіrý