ALMATYDA RESPÝBLIKALYQ KONFERENTsIIa BASTALDY (FOTO)

24 qarasha 2022 445 0
Оqý rejımi

Almaty qalasynda ál-Farabı atyndaǵy Qazaq ulttyq ýnıversıtetinde Qazaqstan musylmandary dinı basqarmasynyń uıymdastyrýymen «Bereke bastaýy – birlikte» taqyrybynda respýblıkalyq ǵylymı-tanymdyq konferentsııa bastaldy.

Aıtýly jıyn qasıetti Quran aıatymen ashylyp, Bas múftı Naýryzbaı qajy Taǵanuly babalar rýhyna aıat saýabyn baǵyshtady. Osydan keıin qoǵamda birlikti nyǵaıtýdyń mańyzy men osy baǵyt boıynsha múftııattyń atqarǵan jumystary jaıly ázirlengen beıne rolık halyq nazaryna usynyldy.

Konferentsııa jumysyna QMDB Tóraǵasy Naýryzbaı qajy Taǵanuly, ál-Farabı atyndaǵy Qazaq ulttyq ýnıversıtetiniń rektory Janseıit Túımebaev, jazýshy Smaǵul Elýbaı t.b. zııaly qaýym ókilderi, ǵalymdar, din qyzmetkerleri, shákirtter men stýdentter qatysýda.

Konferentsııada «Islam – yntymaq kepili», «Birlik – bereke bastaýy», «Qutty biliktegi tutastyq ıdeıalogııasy» taqyryptarynda zııaly qaýym ókilderi baıandama jasaıdy. Aıta ketsek, ıgi basqosý Bas múftı Naýryzbaı qajy Taǵanulynyń dinı qyzmet aıasynda 2022 jyldy «Islam – yntymaq pen birlik dini» jyly dep jarııalaǵan bastamasyna oraı uıymdastyrylýda.

Pіkіrler Kіrý