ÁLKEI MARǴULANNYŃ 120 JYLDYǴYNA ARNALǴAN DÓŃGELEK ÚSTEL ÓTTI (FOTO)

23 aqpan 2024 799 0
Оqý rejımi

Astana qalasyndaǵy «Áljan ana» meshitinde din qyzmetkerleriniń basyn qosqan dóńgelek ústel bolyp ótti. Jıynǵa Astana qalasynyń ókili, «Áziret Sultan» meshitiniń bas ımamy Erbolat Júsipov, QR ǴJBM Memleket tarıhy ınstıtýtynyń tarıh jáne qoǵamdyq ǵylymdar akademııasynyń akademıgi, tarıh ǵylymdarynyń doktory Maqsat Alpysbesuly, «Áljan ana» meshitiniń bas ımamy Muratbek Muhtarhanuly jáne Astana qalasynyń ımam, ustazdary qatysty.

Basqosýda ulttyq arheologııa men Etnografııa mektebiniń negizin qalaýshy, qazaqtyń mańdaıaldy tulǵalarynyń biri Álkeı Haqanulynyń ónegeli ómir joly men sińirgen eńbekteri jaıly sóz qozǵaldy. Sondaı-aq, «Qazaq shejiresi» tarıhnamalyq-derektanýlyq zertteý kitabynyń avtory Maqsat Alpysbesuly qazaqtyń tarıhy, ótkeni men búgini jaıly súbeli áńgimelerin órbitti.

Tarıhtyń sonaý qatparlarynda jatqan, talaı qaltarystarǵa ushyrap, jadymyzdan shyǵa jazdap, rýhanı dúnıemizben qaıta qaýyshqan babalar danalyǵy men salyp ketken sara joldaryna taǵy bir oısha sholý jasaldy.

Shara sońynda el amandyǵy men jurt tynyshtyǵy úshin kópshilikpen duǵa jasaldy.

Derekkóz: muslim.kz

Источник: Aidos

Pіkіrler Kіrý