JEBREIIL (Ǵ.S.) ShEGINE JETE ALMAǴAN JUMAQ

17 maýsym 2022 1257 0
Оqý rejımi

Alla Taǵala Jebreıil perishteni ár qanatynyń uzyndyǵy batys pen shyǵysqa jetetin alty júz qanatty etip, eń ádemi keıipte jaratqan kezde, Jebreıil perishte ózine súısine qarap: «Ia, rabbym! Sen menen de ádemi jaratylysty jarattyń ba?» – dep suraıdy. Sonda Rabbysynyń «Bul ǵalamda senen kórkemirek jaratylys joq» degen jaýabyn estigen Jebreıil perishte qýanyshtan jáne shúkirshilikten eki rakaǵat namaz oqıdy. Namazynda yqylasty bolǵany sonshalyqty árbir rakaǵatynde jıyrma myń jyl oqıdy.

Jebreıil perishte ǵıbadatyn aıaqtaǵan kezinde Alla Taǵala: «Ia, Jebreıil, sen qulshylyǵyńdy sondaı kemel qylyp oryndadyń. Budan bylaı seniń bul eki rakaǵatyńa jetetindeı dárejede eshkim namaz oqı almaıdy. Biraq, Aqyrzaman jaqyndaǵanda Muhammed degen bir paıǵambar shyǵady. Onyń sondaı álsiz, kúnáǵa belshesinen batqan úmmeti beıǵam, esinegen, dúnıe tirshilikterli oılaǵan kúıde eń ońaı ýaqytta kemshilikke toly eki reket namaz oqıdy. Ia, Jebreıil! olardyń sóıtip oqyǵan eki rakaǵat namazy seniń bul namazyńnan maǵan unamdyraq. Sebebi, olar Meniń ámirimdi oryndap namaza oqysa, sen óz ol aldyńa qulshylyq qyldyń», – deıdi. Sonda Jebreıil perishte tańdanys bildirip: «Jaratýshy Iem, sen olarlyń bul ǵıbadatynyń saýabyna ne syı beresiń?» – dep suraıdy. Alla Taǵala: «Men olarǵa «Jánnat al-Maýany» (jumaq esimderiniń biri) beremin», – deıdi.

Buny estigen Jebreıil qyzyǵyp Alla Taǵaladan ol jerdi kórýge ruqsat suraıdy. Oǵan ruqsat beriledi. Sonda Jebreıil perishte bar kúshin salyp Jánnat al-Maýaǵa ushyp, kóterile bastaıdy. Jebreıil perishte ár qanatyn ashqan saıyn úsh myń shaqyrym bıiktikke ushyp otyrady. Degenmen qansha qanatyn jaıyp, qaıratyn ketirip ushqanymen, degen jerine jete almaıdy. Aqyrynda bolmaǵasyn qanattary talyp, Jaratýshysyna sájde etedi. Sájdede: «Ia, Rabbym, men kóp ushtym. Jánnat al-Maýanyń jartysyna nemese tórtten ekisi, ne birine jetken bolarmyn?» – dep suraıdy. Sonda Alla Taǵala: «Ia, Jebreıil! Eger sen úsh júz jyl ushsań, sosyn men saǵan taǵy da sondaı qashyqtyqty alatyn qanat pen qýat berip, sen taǵy da ushsań, Muhammed úmmetiniń eki rakaǵat oqyǵan namazynyń saýabyna berilgen Jánnat al-Maýanyń onnan birine de jete almaısyń!» – dep jaýap beredi.

Pіkіrler Kіrý