RAMAZAN – ÓMIR SÚRÝGE MÚMKINDIK

16 naýryz 2023 2935 0
Оqý rejımi

Alla Taǵala «Baqara» súresiniń 183-aıatynda: «Burynǵylarǵa paryz etilgendeı, oraza senderge de paryz etildi. Múmkin taqýalyq qylarsyńdar», - deıdi. Iaǵnı, Alla Taǵala bizdiń Ramazan aıynda ózgerip, Ózine jaqyndaýymyzdy qalaıdy. Biz únemi ózgeremiz dep nıettenemiz de, áreketsiz qalyp jatamyz...

Búrkit jaıly derek keltireıin, Búrkittiń tyrnaǵy 40 jasqa kelgende qatty uzaryp jumsarady. Osynyń saldarynan jemin aýlaı almaı qalady. Tumsyǵy da qatty uzaryp, erkin tamaq jeýge kedergi jasaıdy. Keýdesindegi qaýyrsyndary qalyńdap, ushýǵa da kedergi jasaıdy. Osy tusta búrkittiń eki tańdaýy bar: ne ólim, ne 150 kúndik ózgeristi talap etetin aýyr kúnder. Ol óziniń taý basyndaǵy uıasyna ushyp baryp, tumsyǵy synǵansha ony taý men tasqa urady. Artynsha jańa tyrnaqtarym óssin degen oımen olardy da julyp tastaıdy. Jańa tyrnaǵy ósip shyqqan soń keýdesindegi qaýyrsyndaryn da julady. Osylaısha, 5 aı boıy qınalyp, taǵy da 30 jyl ómir súredi. Eger, búrkit bes aı qıyndyqqa tózbese, 30 jyl ómir súrýge múmkindik almaıdy.

Shaıtandar kisendelip, duǵalar qabyl bolatyn Ramazan aıy, tap osy búrkitke berilgen 150 kúndik múmkindik sııaqty adamdar úshin ózgerýge/ómir súrýge zor múmkindik bolmaq! Ramazan aıynda ózgerý arqyly biz ómir súrýge múmkindik almaqpyz…

Al biz ne úshin ómir súremiz?

Alla  Taǵala bul suraqtyń jaýabyn «Zýmár» súresiniń 56-aıatynda aıtady: «Men adamdar men jyndardy, tek qana maǵan qulshylyq etýleri úshin jarattym».  Iaǵnı, biz Allaǵa qulshylyq etý úshin ómir súremiz. Ramazan aıy bizdiń shynaıy yqylaspen qulshylyq etýimizge; namazdy ǵana emes, árbir is-áreketimizdi «Alla razylyǵy úshin» dep qulshlyqqa aınaldyrýymyzǵa sebep bolýy kerek. Ramazan aıynda sál qınalyp, ıaǵnı, barynsha nápsimizdi tyıyp, tárbıelep, ony baqylaýda ustasaq (jáne shynaıy bolýyna mán bersek) «ómir súrýge» múmkindik almaqpyz.

Alla Taǵala barshamyzdyń múmkindik aıy bolǵan  Ramazanda ózgerip, tárbıelenýimizdi násip etsin!

Janar Ǵarıfollaqyzy

Pіkіrler Kіrý