NE EKSEŃ, SONY ORASYŃ...

03 maýsym 2022 6936 0
Оqý rejımi

Taıaýda aıaýly ákemizdi sońǵy saparǵa shyǵaryp saldyq. Óz ósıeti boıynsha kópshilik bolyp, týǵan jerine, anamyzdyń janyna aparyp jerledik. Ákem: «Balam, kún jyly bolsa, ósıetimdi orynda.Al, qys bolyp, jol jabylyp qalsa, ólim qaı jerde bolsa, topyraq sol jerde, qınalmaı, osy Almatyǵa qoıa sal», - deıtin. Osy bir ósıetin oryndap júrip, kóp nárseniń kýási boldym...

Alla Taǵala Quranda: «Sonda kim tozańnyń túıiriniń salmaǵyndaı jaqsylyq istegen bolsa, ol ony kóredi. Al jáne kim tozańnyń túıiriniń salmaǵyndaı jamandyq istese, ony kóredi»[1], - dep buıyrǵan. Atam qazaq «ne ekseń, sony orasyń» dep aıtqandaı, istegen isimizdiń jaqsylyǵy men jamandyǵyn eki dúnıede de kóredi ekenbiz.

Birinshiden, kópshilik ákemdi jerlep bolyp, sońynan Quranyn oqyp, qaıtqansha qozǵalmaı kútti. Kezinde toqsanynshy jyldary aýylymyzda ımam bolyp júrip, osyndaı jerleý rásiminde sońyna qaramaı, qaıtýǵa asyqqandardy toqtatyp, tyrysýshy edim... Al, qazir tártippen jerleıdi eken.

Ekinshiden, kezinde marqum shyqqan úıden jerleıtin kúni mal soıǵyzýdy toqtatqan edik. Árıne, alystan kelgenge asyn berip, al jergilikti halyq zırat basynan kelip, sháıǵa arnalǵan dastarhanǵa ǵana duǵa jasaıtyn. Keıinirek, bul úrdis biraz jyl buzylyp, osy bir jyldaı ýaqyttan beri burynǵy tártippen oryndalatyn bolypty. Rasynda, kári bolsyn, jas bolsyn ólimniń aty ólim. Kim daıyn otyrady?

Paıǵambarymyz (s.ǵ.s.) Jaǵfar (r.a.) esimdi sahabasy dúnıeden ozǵanda: «Jaǵfardyń úıine tamaq aparyp berińder. Onyń otbasynda shuǵyldanatyn is bolyp qaldy», - dep aıtyp, qaza bolǵan januıaǵa kómektesýge shaqyrǵan eken[2].

Sondyqtan, jerleý rásimi barlyq jerde bir tártippen oryndalsa, nur ústine nur bolady. Áıtpese, qazaǵa qaıǵyryp, duǵada bolǵannyń ornyna, janazaǵa soıatyn mal izdep, sonymen shuǵyldanýda bolady. Al, sharıǵatta kórsetilgendeı, marqumnyń dúnıesiniń úshten biri mólsherinde marqumdy qoıǵan 3 kúnnen keıin, qaı ýaqytta bolsyn sadaqa berse, tyıym salmaıdy.

Onyń ózin de ysyrapshyldyqqa boıusynbaı, qaryzdanbaı berilý kerek. Osy tártippen ákemizdi de shyǵaryp saldyq.

Osylaısha, ákemizdi jerlep júrip, «qaza kóppen bólisse, azaıady» degen qaǵıdanyń kýási boldyq. Alla ákemizdiń jatqan jerin peıishtiń bir baqshasy etsin!

 


[1] «Zilzálá» súresi, 7-8 - aıat
[2] Tırmızı: 998

Pіkіrler Kіrý