AQYLDY ÁIEL ERINEN TALAP ETPEITIN 7 NÁRSE
Kóptegen áıel erlerdi óz aldynda mindetti dep biledi. Nátıjesinde mundaı qatynas aradaǵy senim men syılastyq otyn sóndiredi. Názik jandylar qateligin túsingende, ókinishke oraı, kesh bolyp jatady. Bul rette sulýlardyń óziniń emes, ózgeniń qateliginen sabaq alý úshin, dana áıelder erine qoımaıtyn 7 talap qataryn usynamyz.
1. Aqyldy áıel ózin ózi qamtamasyz ete alatyndyqtan, ózin asyraýdy talap etpeıdi. Másele balalar jóninde emes, siz jaıly. Eri úıge kirgennen bastap biraqatar áıel «meni asyra, kıindir, kóńil kótereıik» degen syndy tirkestermen qulaq etin jeıdi. Shyndyǵynda, erkek balalaryn ǵana asyraýǵa mindetti. Ol áıelge de qatysty. Qalasa, sizdi de asyraıdy. Dese de mindetti emes.
2. Kúıeýinen súıikti zatynan, isinen bas tartýdy talap etpeıdi. Ózińizben kóp ýaqyt ótkizýi úshin jumysynan, súıikti isinen bas tartýǵa májbúrlemeńiz. Ómirden jıǵan tájirıbesi mol áıel bul árekettiń erkekti baqtysyz eterin biledi. Sebebi onyń ómiri tek jumys pen súıikti áıelinen turmaıdy.
3. Ol kúıeýin dostary, týystarymen qatynasyn úzýge májbúrlemeıdi. Erińizdiń dostarynyń ne týystarynyń birin múldem unatpaıtyn, jaratpaıtyn jaǵdaılar bolyp turady. Dese de bul azamatyńyzdyń ol adammen siz úshin aralaspaýyna sebep emes. Tipti, olardyń joldasyńyzǵa áseri nashar kórinse de. Er adam úshin balalyq shaqtan bastaý alǵan dostyqtyń qanshalyqty mańyzdy ekenin siz túsine de almaısyz. Al týystarymyz qansha júıkemizdi juqartqanymen, olardan ózimiz de bas tarta almaımyz.
4. Óz qyzyǵýshylyǵymen áýestenýin suramaıdy. Eger siz onymen salsa bılegińiz kelse, erińizdiń unatpasy ne bas tartary anyq. Bul rette tynymsyz talap etýge, qyrsyǵýǵa qaqyńyz joq. Onyń sizdi ár apta saıyn tańǵy saǵat 5-te turǵyzyp alyp, balyq aýlaýǵa súıreıtinin elestetip kórińizshi. Biz bir-birimizdiń bar qyzyǵýshylyǵymyzdy bólise almaımyz. Ol mahabbattyń, syılastyqtyń joqtyǵyn ańǵartpaıdy.
5. Ol erin ózgertýge tyryspaıdy. Qarym-qatynastyń naǵyz qundylyǵyn biletin, túsinetin áıel esh ýaqytta kúıeýinen ózgerýin talap etpeıdi. Ol adamnyń shynaıy kelbetine ǵashyq bolady jáne adam ózi qalaǵan ýaqytta ǵana ózgeretinin biledi. Kerisinshe, erkekter ózderin shynaıy qalpynda qabyldaı alatyn áıelderdi baǵalaıdy.
6. Ol kúıeýinen ózge áıelderge kóz salmaýyn talap etpeıdi. Shyndyqqa tiginen qaraıyq: erkekter ádemi áıelderge kóz salmaı tura almaıdy. Ol erlerdiń tabıǵatyna qaıshy (Sóz ashyq túrde qyryńdaý jaıly emes). Áıelderdiń de kelbeti kelisti azamattarǵa nazar aýdaratyny ótirik emes. Bul máselege sabyrlylyqpen qarańyz.
7. Ol azamatyna senedi. Dana áıeldiń súıiktisinen aqtalýyn, sútten aq, sýdan taza ekenin dáleldeýin talap etýi múmkin emes. Qarym-qatynas senimge qurylǵan kezde, erinen telefonyn berýin, áleýmettik jelilerdegi qupııa sózin suraý áıeldiń oıyna da kelmeıdi. Mundaı áreket azamatyn syılamaıtyndyǵyn ańǵartady.
Qarym-qatynasyńyzda tynyshtyq pen úılesimdilik ornasyn deseńiz, ortaq til tabysý, keı jaǵdaıda ózin tómen qoıyp, jol berý jubaılardyń ekeýine de tıisti mándet. Syılastyq pen mahabbat, tózim men jan álemin túsinýge tyrysý – súıgenderdiń arasynda bolýy qajet dúnıeler.
