ەتەككىر كەزىندە مۇشەقاپپەن جاقىنداسۋعا بولا ما؟
ٴاسسالامۋ الەيكۋم! سۇراعىم ىڭعايسىزداۋ بولسا دا جاۋاپ بەرۋلەرىڭىزدى سۇرايمىن. ايەلدەرىمىزدە ەتەككىر ۋاقىتى بولعان كەزدە، مۇشەقاپپەن جاقىنداسۋعا بولا ما؟ شاريعاتىمىزدا نە ايتىلعان؟

 

ۋا الەيكۋم اسسالام!

قاسيەتتى قۇران كارىمدە: «ولار سەنەن ەتەككىر جايىنان سۇرايدى. ولارعا: «ول جيىركەنىشتى نارسە، ەتەككىر كەزىندە ايەلدەردەن اۋلاق بولىڭدار. ولارعا تازارعانعا دەيىن جاقىنداسپاڭدار. قاشان ولار ناق تازارسا، ولارعا اللانىڭ وزدەرىڭە بۇيىرعان جەرىنەن جاقىنداسىڭدار» دە. شاكسىز اللا تاۋبە ەتۋشىلەردى جاقسى كورەدى ٴارى تازا بولۋشىلاردى دا جاقسى كورەدى»[1] دەلىنگەن. ياعني، حايىز (ەتەككىر) لاس نارسە رەتىندە بەكىتىلىپ، ودان ۇزاق تۇرۋ بۇيىرىلعان.

حانافي جانە ماليكي ٴمازھابىنىڭ عۇلامالارى اياتتاعى «اۋلاق بولىڭدار» دەگەن ٴسوزدى – «ايەل كىسى حايىز كەزىندە، ونىڭ كىندىگى مەن تىزەسىنىڭ اراسىنان ساقتانۋ/اۋلاق بولۋ»[2] دەپ تۇسىندىرگەن.

سوندىقتان ايەل كىسىنىڭ حايىز ۋاقىتىندا ونىمەن جىنىستىق قاتىناستان ساقتانۋ مىندەت. مۇشەقاپپەن دە قاتىناستا بولۋعا بولمايدى، كىندىك پەن تىزەنىڭ اراسىنان اۋلاق بولۋ كەرەك. ال، جىنىستىق قاتىناس ورىن العان بولسا تاۋبە ەتىپ، اللادان كەشىرىم سۇراۋى مىندەتتى[3]. سەبەبى – تىيىم سالىنعان حارام ٴىس بولعاندىعىنان. 

بەلگىلى يسلام عۇلاماسى يمام سابۋني: «ياھۋديلەر ايەلدەرى حايىز بولسا، ولارمەن بىرگە جەمەيتىن، ىشپەيتىن جانە ٴبىر بولمەدە دە بىرگە تۇرمايتىن. ال، حريستياندار حايىزعا ٴمان بەرمەستەن تازا كەزىندەگىدەي قاتىناستا بولدى. يسلام ٴدىنى عانا ورتا جولدى ۇستانىپ، جىنىستىق قاتىناستان ساقتانۋ كەرەكتىگىن كورسەتكەن، ال باسقا جايدايلار (قۇشاقتاۋ، ٴسۇيۋ ت.ب) ادەتتەگىدەي»[4] دەپ، شاريعاتتىڭ شارتتارىن بايانداعان.

عازيز احمەت.

[1] باقارا سۇرەسى، 222.
[2] ٴاس-سابۋني، مۋحاممەد الي، ٴراۋايعۋل-بايان، 279 بەت.
[3] ٴاس-سابۋني، مۋحاممەد الي، ٴراۋايعۋل-بايان، 280 بەت.
[4] ٴاس-سابۋني، مۋحاممەد الي، ٴراۋايعۋل-بايان، 277 بەت.

date09.11.2017readCount6628categoryوتباسىprintباسىپ شىعارۋ