يسلام قابىلداۋ ٴۇشىن ادامعا عۇسىل الۋ ٴۋاجىپ پە؟
اسسالاۋماعالەيكۋم! اللا ىستەرىڭىزگە بەرەكە بەرسىن! سىزدەردەن سۇرايىن دەگەنىم، يسلام ٴدىنىن قابىلدايىن دەپ جاتقان ادامنىڭ عۇسىل الۋى شارت پا؟

 

ۋا الەيكۋم اسسالام! عۇسىل – يسلام ٴدىنىن قابىلداۋ ٴۇشىن مىندەتتى ٴىس ەمەس، تەك عۇسىلدى تالاپ ەتەتىن امالداردا عانا قاجەت. ويتكەنى، پايعامبارىمىزدىڭ (س.ع.س.) ساحابالارىنا يسلام ٴدىنىن قابىلداعان ۋاقىتتا عۇسىل الۋعا ٴامىر ەتىلمەگەن.

اللا ەلشىسى (س.ع.س.) مۋاز يبن ٴجابالدى يەمەن قالاسىنا ادامدارعا ٴدىن ۇيرەتۋ ٴۇشىن جىبەرگەندە ادامداردى «اللادان باسقا ٴتاڭىر جوق، مۇحاممەد اللانىڭ ق ۇلى ٴارى ەلشىسى» دەپ كۇالىك ەتۋگە شاقىر دەپ بۇيىرعان بولاتىن. وسى جەردە ەسكەرە كەتەتىن جايت، ەگەردە عۇسىل الۋ مىندەتتى بولعاندا، وعان مىندەتتى تۇردە بۇيىراتىن ەدى.

الايدا، ٴدىندى جاڭا قابىلداعان كىسىگە عۇسىل الۋ – مۋستاحاب.[1]

دىنمۇحاممەد سمانوۆ


[1] مۋستاحاب دەگەنىمىز جاعىمدى، ۇنامدى ٴىس. ىستەگەن ادام ساۋاپ الادى، ىستەمەسە كۇناسى جوق.

date23.10.2017readCount1997categoryعۇسىل-دارەتprintباسىپ شىعارۋ