ەر كىسىلەردىڭ كوزىنە سۇرمە جاعۋىنا بولا ما؟
اسسالاۋماعالەيكۋم! شاريعاتىمىزدا سۇرمە جاعۋعا رۇقسات ەتىلگەن دەيدى. سىزدەردەن سۇرايىن دەگەنىم، سونى ەر كىسىلەردىڭ دە جاعۋىنا بولادى ما؟ 

 

ۋا الەيكۋم اسسالام!  اقيقاتىندا، سۇرمە جاعۋ – ەر كىسىلەرگە دە، ايەل كىسىلەرگە دە سۇننەت. بۇل جونىندە پايعامبارىمىز (س.ع.س.) بىلاي دەگەن: «سۇرمە/يسميد قولدانىڭدار، ويتكەنى ول كوزدىڭ كورۋىن جاقسارتادى جانە كىرپىكتى وسىرەدى»[1].

ال، پايعامبارىمىزدىڭ سەنىمدى سەرىگى بولعان يبن ابباستىڭ (ر.ا.) ريۋاياتىندا: «پايعامبارىمىز (س.ع.س.) سۇرمەنى جاققاندا، وڭ كوزىنەن باستايتىن. اۋەلى وڭ كوزىنە ٴۇش مارتە، سودان كەيىن سول كوزىنە ەكى مارتە جاعاتىن ەدى»،[2] دەيدى.

وسى تۇستا ٴبىر انىقتاي كەتەتىن جايت، سۇرمە جاعۋ – ەرلەردىڭ ايەلدەرگە ۇقساۋى دەگەن ٴسوز ەمەس، بۇل ەمدىك ماقساتتا قولدانۋ عانا.  ٴبىزدىڭ ادەت-عۇرپىمىزدا سۇرمە جاعۋ بولماعاندىقتان ەرسى كورىنۋى مۇمكىن. سوندىقتان كەشكىلىك ۋاقىتتا قولدانعان دۇرىس بولسا كەرەك. 


«ازىرەت سۇلتان» مەشىتىنىڭ 
نايب يمامى عازيز احمەت.



[1] تيرميزي، يبن ٴماجا، ٴسۇنان.
[2] تيرميزي، ٴان-ناساي، ٴسۇنان

date18.10.2017readCount2227categoryٴارتۇرلىprintباسىپ شىعارۋ