تۋىلماي جاتىپ شەتىنەگەن سابيگە جانازا ناماز وقىلا ما؟
سəلەمەتسىزدەر مە، muslim.kz پورتالى! مەنىڭ سۇراعىم بار ەدى ٴوتىنىش جاۋاپ بەرەسىزدەر مە؟ ٴقازىر اياعىم اۋىر 7 ايلىق ەگىزدەر بولاتىن. 6 ايلىق كەزىندە ىشىمدە بىرەۋى شەتىنەپ قالدى. دəرىگەرلەر ەكىنشىسىنە زياانى جوق ٴتىرىسىن ۋاقىتى كەلگەندە بوساناسىڭ دەدى. سول بوسانعاندا ارتىنان ولگەن نəرەستە مۋميا بولىپ تۋىلادى ەكەن. سول شارانانى نە ىستەيمىز؟ روددومدا قالدىرعىم جوق. ازان شاقىرىپ، ات قويىپ جەرلەيدى مە؟ سوسىن تۋىلماي تۇرىپ شەتىنەگەن ٴسəبيدىڭ جانى قايدا بولادى؟ وسى مەنى مازالاپ جۇرگەن سۇراقتارىما جاۋاپ بەرەسىزدەر مە؟ الدىن الا راحمەت! گۇلجان

سالەمەتسىز بە، گۇلجان! الدىمەن ايتاتىن نارسە، جانازا رəسىمدەرى تەك ومىرگە ٴتىرى كەلگەن سəبيلەرگە جاسالادى. سەبەبى، پايعامبارىمىز ايتدى: "سəبي ومىرگە كەلگەندە تىرىلىكتىڭ بەلگىسىن بەرەتىن بولسا (قيمىلداۋ، داۋىس شىعارۋ سەكىلدى)، وعان جانازا نامازى وقىلادى" دەگەن. ال ومىرگە جانى تəنىنەن شىعىپ كەلەتىن بولسا، ونداي سəبيلەرگە جانازا نامازى وقىلمايدى. مۇسىلمانداردىڭ مازاراتىنا (مولا) اپارىپ اق ماتاعا وراپ جەرلەيدى.

ىشتەگى نارەستە شەتىنەگەن جاعدايدا، وعان ات قويسا، قيامەتتە اللانىڭ قالاۋىمەن شاپاعاتشى بولاتىنى تۋرالى پايعامبارىمىز (س.ع.س.) بىلاي دەگەن: «تۇسىك بالالارعا ات قويىڭىزدار. ويتكەنى اللا ات قويىلعان بالامەن تارازىنىڭ ساۋاپ جاعىن اۋىرلاتادى. بولماسا ول بالا قيامەت كۇنى كەلىپ، بىلاي دەيدى: «ۋا، اللا  تاعالام! بۇلار ماعان ات قويمادى. مەن ارقىلى الاتىن ساۋاپتارىنان قۇر الاقان قالدى– دەيدى»[1]. ياعني، ىشتە جاتىپ شەتىنەگەن سابيگە دە ات قويىلادى. 

ال، ەندى ونداي سابيلەردىڭ جاعدايى قالاي بولادى؟ دەگەن سۇراققا كەلەتىن بولساق، ولاردان قيامەتتە ەسەپ-قيساپ سۇرالمايدى. قايتا ول ٴسابي قيامەت كۇنىندە اتا-اناسىنا شاپاعات ەتەتىن بولادى. بالالار اكە-شەشەسىنىڭ الدىنان شىعىپ، ەتەگىنە جابىساتىنى، اللا ولاردى ٴجانناتقا كىرگىزبەيىنشە جىبەرمەيتىنى تۋرالى ٴسۇيىنشى حابارلار كەلگەن[2].

[1]جاميعۋس-ساعير، 3/1075

[2]جاميعۋس-ساعير، 3/2364

date09.10.2017readCount4213categoryجانازاprintباسىپ شىعارۋ