زەرگەرلەر مۇسىلمانداردان بولەك جەرلەنە مە؟
سۇراق: اسسالاۋماعالەيكۋم! "زەرگەرلەردىڭ تىرناعىنىڭ استىندا التىننىڭ بۋى قانشا جۋسا دا قالادى. سوندىقتان ولاردى بولەك جەرلەيدى"- دەپ ەستىدىم. وسى قانشالىقتى دۇرىس؟

جاۋاپ: ۋاعالەيكۋم اسسالام. بۇل جايىندا قۇراندا نەمەسە حاديستە، ياكي ساحابالاردىڭ سوزىندە ەش ماعلۇمات جوق. ٴتىپتى، يسلام عۇلامالارى ەشقاشان مۇنداي پىكىردى العا تارپاعان. دەمەك ەش نەگىزى جوق بوس ٴسوز بولىپ تابىلادى.

ال بولەك جەرلەۋ ماسەلەسىنە كەلسەك: ەشۋاقىتتا مۇسىلمان بالاسى، مۇسىلمانداردىڭ قورىمىنان بولەك جەرلەنبەگەن. وزگە ٴدىن وكىلى نەمەسە باقسىنىڭ بولەك جەرلەنۋى، ونىڭ مۇسىلمان بولماۋىنان ەدى. سۇراقتا ايتىلعانداي "التىننىڭ بۋى قانشا جۋسا دا تىرناقتىڭ استىندا قالاتىن بولسا" دا بولەك جەرلەنەدى دەۋ نەگىزسىز.

date18.05.2017readCount3262categoryٴارتۇرلىprintباسىپ شىعارۋ