مارقۇمدى سۇيۋگە بولا ما؟
اسسالامۋ الەيكۋم! ەل اراسىندا قايتىس بولعان مارقۇممەن قوشتاسۋ ٴۇردىسى بار. سول كەزدە، مارقۇمدى سۇيۋگە بولا ما؟ الدە، بۇعان رۇقسات جوق پا؟

ۋا الەيكۋم اسسالام!

ٴيا، مارقۇمنىڭ بەتىنەن جانە ماڭدايىنان سۇيۋگە بولادى. بۇعان نەگىز: «قايتىس بولعان وسمان بين مازعۇندى ٴسۇيدى جانە پايعامبار (س.ع.س.) جىلاپ تۇرعان ەدى[1]» جانە «ٴابۋ باكىر (ر.ا.) پايعامباردى (س.ع.س.) قايتىس بولعان سوڭ (ماڭدايىنان) ٴسۇيدى[2]» دەگەن حاديستەر. بۇل ەكى ٴحاديستى دە ايشا (ر.ا.) انامىز ريۋايات ەتكەن.

وسى ماعىنالاس حاديستەرگە سۇيەنە وتىرىپ، يمام ناۋاۋي: «مارقۇمنىڭ بەتىنەن ەتجاقىن تۋىستارى مەن جورا-جولداستارىنىڭ سۇيۋىنە رۇقسات ەتىلەدى»، - دەگەن.


[1] ٴابۋ ٴداۋىت

[2] بۇحاري

date27.03.2017readCount12365categoryجانازاprintباسىپ شىعارۋ