تىستەگى پلومبا عۇسىلعا كەدەرگى مە؟
عۇسىلى جوق ادام تىسىنە پلومبا سالاردا مىندەتتى تۇردە الدىن الا عۇسىل قۇيىنۋى كەرەك پە؟ جالپى، پلومباسى بار ادامنىڭ عۇسىلى قالاي بولادى؟    

تىسكە پلومبا سالۋ ەمدىك ماقساتتا بولعاندىقتان، الدىن الا عۇسىل قۇيىنۋدىڭ نە دارەت الۋدىڭ قاجەتى جوق. سەبەبى، تىسكە سالىنعان پلومبا – جاراقات ۇستىنە ورالعان تاڭعىش ىسپەتتى. ال شاريعاتتا سۋ دەنەدەگى جاراقاتقا زيانىن تيگىزسە، جاراقات تاڭىلىپ، عۇسىل مەن دارەتتە سول تاڭىلعان ورامالعا ٴماسىح تارتىلادى. الدىن الا دارەتتى بولۋ شارت ەمەس [1].

سونداي-اق، يمام ٴال-ماۋسۋلي ٴوزىنىڭ يحتيار لي تاعليليل مۋحتار اتتى ەڭبەگىندە بىلاي دەيدى: «...ەگەر اياعىنىڭ جارىلعان [2] جەرىنە ٴدارى جاقسا جانە جاعىلعان دارىدەن تەرىگە سۋ جۇقپايتىن بولسا، ٴدارىنىڭ ۇستىنگى بەتىنەن سۋدىڭ اعۋى جەتكىلىكتى» [3]سوندىقتان دا، اۋىزدى شايعاندا پلومبانىڭ سالدارىنان ٴتىسىڭىزدىڭ ويىعىنا سۋ تيمەي جاتسا، ونىڭ عۇسىلعا ەش كەدەرگىسى جوق.

[1] ماۋسۋلي، يحتيار، 1-توم، 97 بەت.; م.يسا ۇلى، ق.جولدىباي ۇلى، عىلىمحال، 87 بەت.
[2] http://www.almaany.com/home.php؟language=arabic
[3] ماۋسۋلي، يحتيار، 1-توم، 98 بەت.
 
ابدۋسامات قاسىم
date06.12.2016readCount6592categoryعۇسىل-دارەتprintباسىپ شىعارۋ