قۇبىلاعا تەرىس وتىرۋعا بولا ما؟
اسسالامۋ الەيكۋم! مەشىت ىشىندە قۇبىلاعا تاراپقا تەرىس وتىرۋعا بولا ما؟

ۋا الەيكۋم اسسالام!

مەشىت ىشىندە قۇبىلاعا قاراپ وتىرۋ – مۇستاحاپ امال. ال، وعان مۇمكىندىك بولماسا، كەز كەلگەن تاراپقا قاراپ وتىرۋعا بولادى. تەك قۇبىلاعا ارقا تۇسىمەن وتىرماعانى ٴجون.

ويتكەنى، بۇل – قۇپ سانالعان وتىرىسقا تەرىس. ٴابۋ ھۋرايرا (ر.ا.) ريۋايات ەتكەن حاديستە: «راسىندا، ٴار نارسەنىڭ تورەسى بار. ٴماجىلىستىڭ تورەسى – قۇبىلاعا قاراپ وتىرۋ[1]»، – دەلىنگەن.

يبن ماسعۇد (ر.ا.) مەشىتتە قۇبىلاعا ارقا تۇسىن سۇيەپ وتىرعان ادامداردى كورگەندە، ولارعا: «پەرىشتەلەر مەن نامازدارىڭنىڭ اراسىنا تۇرىپ الماڭدار[2]»، – دەگەن ەكەن.

ارينە، ساحابا ابدۋللا بين ماسعۇد (ر.ا.) مۇنى اللا ەلشىسىنىڭ (س.ع.س.) تالىمىنەن كورىپ-بىلىپ ايتىپ تۇرعانى ٴمالىم.


[1] تاباراني.
[2] تاباراني.

رۋسلان كامباروۆ
date09.11.2016readCount3976categoryٴارتۇرلىprintباسىپ شىعارۋ