كۇن ىستىقتاعى ورازانىڭ ساۋابى مول بولادى ما؟
اسسالامۋ الەيكۋم! ىستىق كۇنى تۇتقان ورازانىڭ ساۋابى جاي كۇندەردەگى ورازا ساۋابىنان كوبىرەك پە؟

ۋا الەيكۋم اسسالام!

ورازا – پەندەنى اللا تاعالاعا جاقىنداتۋشى ەڭ ابزال قۇلشىلىقتاردىڭ ٴبىرى. حاق تاعالا ريزاشىلىعى ٴۇشىن ٴبىر كۇن ورازا تۇتقان ادامنىڭ ٴجۇزى توزاقتان جەتپىس جىلعا الىستاتىلادى. بۇل جايلى ٴابۋ ساعيد ٴال-حۋدري (ر.ا.): «كىمدە-كىم اللا جولىندا ٴبىر كۇن ورازا تۇتسا، اللا تاعالا ونىڭ ديدارىن توزاقتان جەتپىس جىلعا الىستاتادى[1]»، – دەگەن ريۋايات جەتكىزگەن.

ال، ورازانى تۇتۋ تاۋلىكتىڭ ۇزاقتىعى نەمەسە كۇننىڭ ىستىعىنا بايلانىستى قيىنداي تۇسسە، ونىڭ ساۋابى دا كوبىرەك بولادى. ايشا (ر.ا.) انامىزعا اللا ەلشىسى (س.ع.س.) ۇمرا قاجىلىعىندا: «راسىندا ساعان قينالعاندىعىڭ جانە جۇمساعان قاراجاتىڭنىڭ مولشەرىندەي ساۋاپ بار[2]»، –دەگەن ەكەن.

حاديستە ايتىلعانداي، قۇلشىلىق جاساۋ بارىسىندا كەزدەسكەن قيىنشىلىقتار عيباداتتىڭ ساۋابىن ەسەلەي تۇسەدى.



[1] بۇحاري
[2] سۋنان داراقۇتني

date02.06.2016readCount8639categoryرامازانprintباسىپ شىعارۋ