ٴتىس تۇزەتۋ كۇنا بولا ما؟
اسسالامۋ الەيكۋم! بالا كۇننەن قيسىق بىتكەن تىستەردى ارنايى برەكەت كيىپ تۇزەتۋ قانشالىقتى دۇرىس؟ شاريعات بۇعان رۇقسات بەرەدى مە؟

ۋا الەيكۋم اسسالام!

ٴتىستى تۇزەتۋگە قاتىستى شاريعاتتا ەشبىر تىيىم جوق. الايدا، بۇل تۇزەتۋ قيسىق تۇرعان تىسكە عانا قاتىستى. بۇعان نەگىز رەتىندە، پايعامبارىمىز (س.ع.س.) عارفاجانىڭ مۇرنى كەسىلگەندە، ورنىنا التىن مۇرىن قويۋعا رۇقسات بەرگەنىن ايتۋعا بولادى. وسىلايشا، قاجەتتىلىك بولعاندىقتان، جاساندى التىن مۇرىن قويعان.

ال، ەندى، ٴتۇزۋ تۇرعان ٴتىستى كوڭىلى تولماعاندىقتان نەمەسە ويىنداعىداي ادەمى ەتۋ ٴۇشىن تۇزەتۋگە رۇقسات ەتىلمەيدى. ويتكەنى، بۇل اللانىڭ جاراتقانىن وزگەرتۋگە ۇمتىلۋ بوپ تابىلادى. بۇعان قاتىستى، قۇران كارىمدە: «...ٴارى البەتتە بۇيرىق بەرەمىن، ٴسويتىپ ولار اللانىڭ جاراتقانىن وزگەرتەدى...[1]»، – دەپ شايتاننىڭ ادام بالاسىن ازعىراتىندىعى بايان ەتىلىپ، ەسكەرتۋ جاسالعان.

ال، حاديستە: «اللا تاعالا قاس جۇلعاندى جانە جۇلدىرعاندى، شاش جالعاعاندى جانە جالعاتقاندى جانە ٴتىسىن ٴسان ٴۇشىن تۇزەتكەن، اللانىڭ جاراتقانىن وزگەرتكەن ايەلدەردى لاعىنەت ەتكەن[2]»، – دەلىنگەن.

مىنە، تۇيىندەيتىن بولساق، ٴتىس اۋىرعاندىقتان نەمەسە كەمىستىگىن تۇزەتۋ ٴۇشىن ەمەس، بار بولعانى ٴسان ٴۇشىن تۇزەتۋشى ايەلدىڭ ۇكىمى. ٴبىراق، قيسىق ٴتىستى تۇزەۋدىڭ ەشبىر كۇناسى جوق.



[1] نيسا سۇرەسى، 119-ايات
[2] بۇحاري، مۋسليم

date29.04.2016readCount6532categoryمەديسيناprintباسىپ شىعارۋ