مۇسىلمان ايەلىنىڭ كيىمى قارا ٴتۇستى بولۋ شارت پا؟
اسسالامۋ الەيكۋم!
مەنىڭ سۇراعىم، قىز-كەلىنشەكتەردىڭ يسلام تالاپتارىنا ساي كيىنۋ ۇلگىسى جايلى. ماسەلەن، ۇزىندىعى بالتىرعا دەيىن ٴتۇسىپ تۇرعان جەيدە جانە كەڭ شالبار كييۋ حيجابتىڭ تالابىنا ساي كەلە مە؟ سوسىن، مۇسىلمان ايەل كيىمىنىڭ ٴتۇسى مىندەتتى تۇردە قارا بولۋى ٴتيىس پە؟      

ۋا الەيكۋم اسسالام!
قىز-كەلىنشەكتەر كيىمى مەن ورامالىنىڭ ٴتۇسى مەن كورىنىسى ٴبىر قالىپتى بولۋى شارت ەمەس. الايدا، تومەندەگى تالاپتارعا ساي كەلۋى قاجەت، ولار:

1.كوزدىڭ جاۋىن الاتىن، ەرىكسىز نازار تارتاتىنداي بولماۋى;

2.ايەلدىڭ دەنەسى كورىنەتىندەي جۇقا بولماۋى;

3.دەنە ٴپىشىمىن ايشىقتاپ تۇراتىنداي تار بولماۋى;

4.كيىم دەنەنى تولىعىمەن جاۋىپ تۇرۋى ٴتيىس. ايەلدىڭ بىلەزىگىنەن تومەن ەكى قولى، اياعىنىڭ توبىقتان تومەن بولىگى جانە بەت-جۇزىنەن باسقا بارلىق جەرى جابىق بولۋى كەرەك.

ال، ايەل كيىمىنىڭ تۇسىنە كەلەر بولساق، ساۋد ارابياسىنىڭ عىلىمي زەرتتەۋلەر جانە ٴپاتۋا بەرۋ تۇراقتى ۇيىمى بىلاي دەپ ناقتىلايدى: «مۇسىلمان ايەلدىڭ كيىمى تەك قارا ٴتۇستى بولۋى شارت ەمەس. ايەلدىڭ كەز كەلگەن تۇستەگى كيىمدى كييۋىنە رۇقسات ەتىلەدى. الايدا، كيىمى اۋرەتىن جابۋى، ەر كىسىنىڭ كيىمىنە ۇقساماعان بولۋى، دەنە مۇشەسىن ايقىن كورسەتەتىندەي تار بولماۋى، كيىم دەنە كورىنىپ تۇراتىنداي جۇقا بولماۋى جانە ەر كىسىلەردى ازعىراتىنداي پىشىمدە بولماۋى كەرەك»، – دەپ ايتقان.
قورىتا ايتقاندا، مۇسىلمان ايەلىنىڭ كيىم ۇلگىسىنە قويىلاتىن شاريعي تالاپتار وسى.

رۋسلان كامباروۆ
date28.04.2016readCount8037categoryفيقھprintباسىپ شىعارۋ