جۇبايلار جاناسسا عۇسىل الۋ كەرەك پە؟
  اسسالامۋ الەيكۋم! شاريعاتتا سۇراپ-بىلگەننىڭ ايىبى جوق دەگەن نيەتپەن مىنا ماسەلەنى بىلگىم كەلەدى: توسەكتە ەرلى-زايىپتىلار جىنىس مۇشەلەرى بىر-بىرىنە تيسە عۇسىل الۋ پارىز با؟ ەرجان  

ۋا الەيكۋم اسسالام!

ەر كىسى جىنىس مۇشەسىنىڭ باسى ايەلدىڭ جىنىسىنا ەنسە عۇسىل الۋ مىندەت بولادى[1]. مۇندايدا ٴماني شىقسا دا، شىقپاسا دا تولىعىمەن جۋىنۋ پارىز.

 بۇعان نەگىز رەتىندە مىناداي حاديستەر بار:

1.ٴابۋ مۇسا اشعاري (ر.ا.) ريۋاياتى: «ٴبىر توپ مۇحاجير جانە انسار ساحابالار تارتىسىپ قالدى. انسارلىقتار: «عۇسىل تەك ۇرىق اتىپ شىقسا عانا مىندەت بولادى»،-دەدى. ال، مۇحاجيرلەر: «ەرلى-زايىپتىلار جاناسسا عۇسىل مىندەت»،-دەستى. ٴابۋ مۇسا: «سەندەردىڭ ماسەلەلەرىڭدى مەن شەشىپ بەرەمىن»،-دەپ مۇسىلماندار اناسى ايشاعا (ر.ا.) بارىپ سۇرادى. ول اللا ەلشىسى (س.ع.س.): «ەر كىسى ايەلىنە جاقىنداپ، ٴبىرىنىڭ مۇشەسى بىرىنە جاناسسا عۇسىل مىندەت»،-دەگەن ەدى،-دەپ جاۋاپ بەرگەن[2]»;

2.ابدۋللا بين ۋاھب ريۋاياتى: «ەگەر ەكى جىنىس مۇشەسى جاناسىپ ەركەك مۇشەسى ايەلگە ەنسە عۇسىل قۇيىنۋ مىندەت. ۇرىق شىقسا دا، شىقپاسا دا[3]»; 

[1] مۇحتاسار ۋيقايا، 38-بەت

[2] مۋسليم

[3] مۋسناد

رۋسلان كامباروۆ
date27.01.2016readCount17094categoryعۇسىل-دارەتprintباسىپ شىعارۋ