قىز بالاسىنا ماحرامسىز جولعا شىعۋعا بولا ما؟
اسسالامۋ الەيكۋم! قازىرگى تاڭدا، قىز بالاسى ماحرامسىز وقۋ، ساياحات جانە ٴىسساپار سياقتى ٴتۇرلى سەبەپتەرمەن جولعا شىعادى. وسىلايشا قىزدىڭ ساپارعا شىعۋىنا بولا ما؟

ۋا الەيكۋم اسسالام!

ايەلدىڭ ەشبىر ماحرام تۋىسىنسىز ساپارعا شىعۋى جولدىڭ، كولىكتىڭ، باراتىن جەردىڭ قاۋىپ-قاتەرسىز بولۋى جانە ايەلدىڭ ەشبىر قيىنشىلىق كورمەۋىمەن تىعىز بايلانىستى.

عادي بين حاتيم (ر.ا.): «ەگەر ٴومىرىڭ ۇزاق بولسا، حيرادان جولاۋشى بوپ شىعىپ، كاعبانى تاۋاپ ەتىپ، اللادان باسقا ەشكىمنەن قورىقپايتىن ايەلدى كورەسىڭ[1]»، – دەگەن ٴحاديستى جەتكىزەدى.

سونىمەن بىرگە، پايعامبارىمىز (س.ع.س.): «مەنىڭ جانىم قولىندا بولعان اللامەن انت ەتەمىن، بۇل ٴىستى (يسلام ٴدىنىن) اللا ٴقاۋىپسىز ەتەدى. ٴتىپتى، جولاۋشى ايەل ەشبىر سەرىگىنسىز حيرادان شىعىپ، اللانىڭ ٴۇيىن (كاعبانى) تاۋاپ ەتەدى[2]»، – دەگەن.

عالىمدار وسى ماعىنالاس حاديستەردى نەگىزگە الا وتىرىپ، بارلىق جاعىنان ساپار ٴقاۋىپسىز بولعان جاعدايدا ايەل جالعىز جولاۋشى بوپ جۇرە الاتىنىن ايتقان. ال، ايەلدىڭ ماحرامسىز ساپار قاشىقتىعىنا جولعا شىعۋىن تىيىم سالعان حاديستەر جولداعى كەزدەسەتىن قاۋىپ-قاتەر سەبەپتى ايتىلعان.

قورىتا ايتقاندا، ايەلدىڭ جالعىز جولاۋشى بوپ ساپارعا شىعۋ ٴۇشىن ۇيىنەن كوزدەگەن جەرىنە بارىپ-قايتقانشا جانە جول ۇستىندەن تولىعىمەن ٴقاۋىپسىز بولۋى قاجەت. ال، ايەلدىڭ ومىرىنە، ار-نامىسىنا زارەدەي ٴقاۋىپ بولسا، ٴدىني امالدارىن ورىنداۋدا قيىندىق تۋىنداسا، مىندەتتى تۇردە جانىندا قورعان بولاتىن مارحام تۋىسى بولۋى ٴتيىس.



[1] بۇحاري
[2] احمەد

رۋسلان كامباروۆ
date28.09.2015readCount5447categoryايەلگە قاتىستىprintباسىپ شىعارۋ