قىزىما ۋممۋ ٴسالاما دەپ ەسىم قويسام بولا ما؟
اسسالامۋ الەيكۋم ۋا راحماتۋللاحي ۋا باراكاتۋح!
مەن جاقىندا قىزدى بولامىن، ينشا اللا! قىزىمنىن ەسىمىن ۋممۋ ٴسالاما دەپ قويسام بولا ما؟ جانە بۇل ەسىم تۋرالى تۋسىندىرسەڭىزدەر!

ۋا الەيكۋم اسسالام!
ٴۇممۋ ٴسالاما – ٴسالامانىڭ اناسى دەگەن ماعىنانى بىلدىرەدى. اراب حالقىندا تۇڭعىش بالاسىنىڭ ەسىمىنە ٴابۋ (اكەسى) جانە ٴۇممۋ (اناسى) دەپ قوسىپ اتاۋ سالتى بار. مۇنى كۇنيا دەپ اتايدى. مىسالعا، پايعامبارىمىزدىڭ (س.ع.س.) كۇنياسى – ٴابۋل-قاسىم. سەبەبى، قاسىم اتتى ۇلى بولعان.

ٴۇممۋ ٴسالامانىڭ ٴوز ەسىمى – ھيند ٴۇمماياقىزى. كۇيەۋى قايتىس بولىپ، توپتى بالا-شاعاسىمەن جەسىر قالعان ايەلگە قامقورلىق جاساۋ ماقساتىمەن ٴۇشىن پايعامبارىمىز (س.ع.س.) وعان ۇيلەنەدى. وسىلايشا، ٴۇممۋ ٴسالاما – «مۇسىلماندار اناسى» بولادى.

قازاق حالقىندا دا تانىمال تۇلعالاردىڭ تۋىلعاندا قويىلعان ەسىمدەرىنەن بولەك، ەل-جۇرتقا باسقا اتىمەن تانىلعاندىعىن تاريحتا جاقسى بىلەمىز. مىسالعا، قۇنانباي ۇلى ٴيبراھيمنىڭ – اباي، شىڭعىس ۇلى مۇحاممەد-حانافيانىڭ – شوقان دەگەن اتپەن ٴماشھۇر. جۇرت تا بالاسىنا اباي نەمەسە شوقان ت.ب. ەسىمدەر بەرىپ جاتادى. سول سياقتى ٴۇممۋ ٴسالاما دا «ٴسالامانىڭ اناسى» ەمەس، تاريحي تۇلعا ەسىمى سياقتى قالىپتاسقان. سوندىقتان، ەرىك وزىڭىزدە. ەڭ باستىسى – دەنى ساۋ، يماندى ۇرپاق بولعاي!

 

date20.01.2015readCount7073categoryوتباسىprintباسىپ شىعارۋ