مۇستاحاب دەگەن نە؟
سالەمەتسىزدەر مە!
مۇستاحاب دەگەن نە، قانداي امالدار مۇستاحاب؟ ۇلجالعاس ەرداۋلەتقىزى

ۋا الەيكۋم اسسالام!
مۇسىلماننىڭ كۇندەلىكتى جاسايتىن ىس-ارەكەتى: پارىز، ٴۋاجىپ، سۇننەت، مۇستاحاب (ٴماندۋب)، حارام، ماكرۋك، ٴمۋباح بوپ بولىنەدى[1]. كەز كەلگەن امال وسى ايتىلعان توپتىڭ بىرىنە جاتادى.

مۇستاحابتىڭ سوزدىك ماعىناسى: سۇيكىمدى، تالعامدى جانە جاقسى دەپ قابىلدانعان ٴىس.

شاريعي انىقتاماسى: مۇستاحاب امالدى ىستەگەن ادامعا ساۋاپ جازىلادى، ىستەمەگەن ادامعا كىنارات تاعىلمايدى.

ارداقتى پايعامبارىمىزدىڭ (س.ع.س.) تاماقتانۋ، سۋسىن ٴىشۋ، ۇيىقتاۋ، ٴجۇرىس-تۇرىس جانە ت.ب. كۇندەلىكتى قاراپايىم ادام رەتىندە جاساعان امالدارى جاتادى[2]. وسى امالداردى پايعامبارىمىزدىڭ (س.ع.س.) جاساعانداي ەتىپ اينا-قاتەسىز جاساۋ – مۇستاحاب.

مۇستاحاب امالدار – قۇلشىلىق پەن ادامي قاتىناستاردى كوركەمدەيتىن، رۋحانياتقا تولى بولۋىن قامتاماسىز ەتەتىن ادەپتىلىك پەن كوركەم مىنەز نەگىزدەرى ىسپەتتى. سوندىقتان، مۇستاحاب – ٴماندۋب، ادەپ جانە فازيلەت دەپ اتالادى.



[1] ابدۋلۋاححاب حاللاف، يلم ۋسۋل فيقھ، 117-بەت.
[2] جوعارىداعى كىتاپ، 118-بەت

date28.03.2014readCount11530categoryفيقھprintباسىپ شىعارۋ